ലണ്ടൻ : വാട്ട്സ്ആപ്പ് ഗ്രൂപ്പിൽ വംശീയ, ജൂതവിരുദ്ധ, സ്ത്രീവിരുദ്ധ പരാമർശങ്ങൾ നടത്തിയ ബ്രിട്ടിഷ് ആരോഗ്യ സഹമന്ത്രി ആൻഡ്രൂ ഗ്വിന്നിനെ പുറത്താക്കി. മന്ത്രിയെ ലേബർ പാർട്ടിയിൽനിന്നും പുറത്താക്കിയതായി ബ്രിട്ടിഷ് പ്രധാനമന്ത്രി കിയേർ സ്റ്റാമെർ അറിയിച്ചു.
വാട്ട്സ്ആപ്പ് ഗ്രൂപ്പിലെ പരാമർശങ്ങൾ മാധ്യമങ്ങളിൽ വന്നതോടെ ഗ്വിൻ ക്ഷമാപണം നടത്തിയിരുന്നു. പരാതിയുമായി മന്ത്രിയെ സമീപിച്ച സ്വന്തം മണ്ഡലത്തിലെ 72 വയസ്സുള്ള വയോധിക അപമാനിച്ചതായി മാധ്യമങ്ങൾ റിപ്പോർട്ട് ചെയ്തിരുന്നു. അടുത്ത തിരഞ്ഞെടുപ്പിനു മുൻപ് അവർ തട്ടിപ്പോയാൽ മതിയായിരുന്നെന്നായിരുന്നു മന്ത്രിയുടെ കമൻ്റ്. ലേബർ കൗൺസിലർമാരുടെ വാട്ട്സ്ആപ്പ് ഗ്രൂപ്പിലാണ് മന്ത്രി കമൻ്റിട്ടത്.
