കാനഡയിലെ തൊഴിലാളികലെയും ചെറുകിട വ്യാപാര സ്ഥാപനങ്ങളെയും സഹായിക്കുന്നതിനായി മിനിമം വേതന വര്‍ധന ഇന്ന് മുതൽ (ഒക്ടോബർ 1) പ്രാബല്യത്തിൽ വരും. ഒന്റാരിയോ, മാനിറ്റോബ, സസ്‌കച്വാന്‍, നോവ സ്കോട്ടിയ, പ്രിന്‍സ് എഡ്വേര്‍ഡ് ഐലന്‍ഡ് എന്നിവയാണ് നിരക്കുകൾ ഉയർത്തുന്ന പ്രവിശ്യകൾ. അതേസമയം ഈ വര്‍ഷം എല്ലാ പ്രവിശ്യകളും വേതനം വര്‍ധിപ്പിക്കുമ്പോള്‍ മാറ്റങ്ങള്‍ വരുത്താത്ത ഏക പ്രവിശ്യ ആല്‍ബര്‍ട്ടയാണ്. 2018 മുതല്‍ ആല്‍ബര്‍ട്ട മണിക്കൂറിന് 15 ഡോളർ എന്ന നിരക്കില്‍ മാറ്റം വരുത്തിയിട്ടില്ല. ഇതോടെ രാജ്യത്ത് ഏറ്റവും കുറഞ്ഞ വേതനനിരക്കുള്ള പ്രവിശ്യ ആല്‍ബര്‍ട്ടയാണ്.

പുതിയ വേതന നിരക്കുകള്‍ ഇങ്ങനെ:

ഒന്റാരിയോ : മണിക്കൂറിന് 17.60 ഡോളര്‍. (നിലവിലെ 17.20-ഡോളറിൽ നിന്ന് 40 സെന്റ് വര്‍ധന)

പ്രിന്‍സ് എഡ്വേര്‍ഡ് ഐലന്‍ഡ് : മണിക്കൂറിന് 16.50 ഡോളര്‍. (നിലവിലെ 16-ഡോളറിൽ നിന്ന് 50 സെന്റ് വര്‍ധന)

നോവ സ്കോട്ടിയ : മണിക്കൂറിന് 16.50 ഡോളര്‍. (ഈ വര്‍ഷം 1.30-ഡോളറിന്റെ വര്‍ധനയാണ് രേഖപ്പെടുത്തുന്നത്. ഏപ്രില്‍ 1-ന് 5.20-ഡോളറിൽ നിന്ന് 15.70 ഡോളറായി നിരക്ക് വര്‍ധിപ്പിച്ചിരുന്നു, ഇത് ഈ വര്‍ഷത്തെ രണ്ടാമത്തെ വര്‍ധനയാണ്.)

മാനിറ്റോബ : മണിക്കൂറിന് 16.00 ഡോളര്‍. (നിലവിലെ 15.80-ഡോളറിൽ നിന്ന് 20 സെന്റ് വര്‍ധന)

സസ്‌കച്വാന്‍ : മണിക്കൂറിന് 15.35 ഡോളര്‍. (നിലവിലെ 15-ഡോളറിൽ നിന്ന് 35 സെന്റ് വര്‍ധന)