മാനിറ്റോബയുടെ മുൻ വിദ്യാഭ്യാസ മന്ത്രിയുടെ മരണത്തെത്തുടർന്ന് ഒഴിവുവന്ന നിയമസഭാ സീറ്റിലേക്ക് ഉപതിരഞ്ഞെടുപ്പ് പ്രഖ്യാപിച്ചു. കിഴക്കൻ വിന്നിപെഗിലെ ട്രാൻസ്കോണയിലെ വോട്ടർമാർ പുതിയ പ്രതിനിധിയെ തിരഞ്ഞെടുക്കുന്നതിനായി മാർച്ച് 18 ന് പോളിംഗ് ബൂത്തിലേക്ക് എത്തും. കഴിഞ്ഞ മാസം കാൻസർ ബാധിച്ച് മുൻ വിദ്യാഭ്യാസ മന്ത്രി നെല്ലോ ആൾട്ടോമറെ അന്തരിച്ചിരുന്നു.
ട്രാൻസ്കോണയിൽ എൻഡിപി, അധ്യാപകനായ ഷാനൻ കോർബറ്റിനെ സ്ഥാനാർത്ഥിയായി നാമനിർദ്ദേശം ചെയ്തിട്ടുണ്ട്. പ്രോഗ്രസീവ് കൺസർവേറ്റീവുകളും ലിബറലുകളും ഇതുവരെ അവരുടെ സ്ഥാനാർത്ഥികളെ പ്രഖ്യാപിച്ചിട്ടില്ല. നിലവിൽ എൻഡിപിക്ക് 33 സീറ്റുകളും പ്രതിപക്ഷമായ പ്രോഗ്രസീവ് കൺസർവേറ്റീവ് പാർട്ടിക്ക് 21 സീറ്റും ലിബറൽ പാർട്ടിക്ക് ഒരു സീറ്റും ഒരു സ്വതന്ത്ര അംഗവുമാണ് നിയമസഭയിലെ പ്രാതിനിധ്യം.
