തൃശ്ശൂർ പീച്ചി പതിപ്പറമ്പിൽ കുഞ്ഞുമോൻ പി.വിയുടെ മകൾ ഷെമി ജോയൽ യു.കെയിൽ വെച്ച് അന്തരിച്ചു. ഹൃദയാഘാതത്തെ തുടർന്നായിരുന്നു അന്ത്യം. കുമളി അസംബ്ലീസ് ഓഫ് ഗോഡ് സഭയിലെ ശുശ്രൂഷകനും കനിമൂട് വടക്കാലായിൽ സ്വദേശിയുമായ പാസ്റ്റർ മോനി ചാക്കോ ജോർജിന്റെ മകൻ ജോയലിന്റെ ഭാര്യയാണ് പീച്ചി മാനായിക്കൽ ഐ.പി.സി. എബനേസർ സഭാംഗമായ ഷെമി.
മൃതദേഹം നാട്ടിലേക്ക് കൊണ്ടുവരുന്നതിനുള്ള നടപടികൾ നിലവിൽ പുരോഗമിച്ചുവരികയാണ്. സംസ്കാര ചടങ്ങുകൾ നടക്കുന്ന തീയതിയും സ്ഥലവും പിന്നീട് വ്യക്തമാക്കും. ഷെമിയുടെ വേർപാടിൽ കുമളി അസംബ്ലീസ് ഓഫ് ഗോഡ് സഭാ അംഗങ്ങൾ ആഴത്തിലുള്ള ദുഃഖവും അനുശോചനവും അറിയിച്ചു.
