കോതമംഗലം മാര്‍ അത്തനേഷ്യസ് കോളേജ് അലുംനി USA-യുടെ പൂര്‍വ്വവിദ്യാര്‍ത്ഥി കുടുംബ സംഗമം ഫിലഡൽഫിയയില്‍ നവംബര്‍13 മുതല്‍ 15 വരെ നടക്കും. മാര്‍ അത്തനേഷ്യസ് കോളേജില്‍ നിന്ന്‌ വിവിധ കാലഘട്ടങ്ങളില്‍ പഠിച്ചിറങ്ങിയ പൂര്‍വ വിദ്യാര്‍ത്ഥികള്‍ക്ക് തങ്ങളുടെ സഹപാഠികളെയും സമകാലികരെയും കണ്ടുമുട്ടുന്നതിനും ജീവിതാനുഭവങ്ങള്‍പങ്കിടുന്നതിനും ലഭിക്കുന്ന അസുലഭ സന്ദർഭമായിരിക്കും ഈ സംഗമം. മാര്‍ അത്തനേഷ്യസ് കോളേജ് മുന്‍ പ്രിന്‍സിപ്പലും, നിലവില്‍ മാര്‍ അത്തനേഷ്യസ് കോളേജ് അസോസിയേഷന്‍ സെക്രട്ടറിയുമായ ഡോ. വിന്നി വര്‍ഗീസ്, കോളേജ് പ്രിന്‍സിപ്പല്‍ ഡോ. മഞ്ജു കുര്യന്‍ എന്നിവര്‍ മുഖ്യഅതിഥികളായി സംഗമത്തില്‍ പങ്കെടുക്കും.
നോർത്ത് ഈസ്റ്റ് പെൻസിൽവേനിയ ഫോര്‍ പോയ്ന്റ്‌സ് ബൈ ഷെറാട്ടണിൽ നടക്കുന്ന കുടുംബസംഗമത്തെ ഒരാഘോഷമായി മാറ്റുവാന്‍ വിവിധ പദ്ധതികളും കലാപരിപാടികളും ആസൂത്രണം ചെയ്തിട്ടുണ്ട്. ഈ പൂര്‍വ വിദ്യാര്‍ത്ഥി കുടുംബ സംഗമത്തിലേക്ക് ഏവരെയും ഹാര്‍ദ്ദവമായി സ്വാഗതം ചെയ്യുന്നതായി ഭാരവാഹികളായ പ്രസിഡൻ്റ് സാബു സ്‌കറിയ, സെക്രട്ടറി ജോബി മാത്യു, ട്രഷറര്‍ ജോര്‍ജ്ജ് മാലിയില്‍ എന്നിവർ അറിയിച്ചു. കൂടുതല്‍ വിവരങ്ങള്‍ക്കും രജിസ്‌ട്രേഷനും : സാബു സ്‌കറിയ (പ്രസിഡൻ്റ്) (267) 980-7923, ജോബി മാത്യു (സെക്രട്ടറി ) (301) 624-9539, ജോര്‍ജ്ജ് മാലിയില്‍ (ട്രഷറര്‍) (954) 655-4500.
