ജര്‍മനിയില്‍ സെന്‍ട്രല്‍ റെയില്‍വേ സ്റ്റേഷനില്‍ കത്തി ഉപയോഗിച്ച് ആക്രമണം. ഹാംബര്‍ഗിലെ സെന്‍ട്രല്‍ റെയില്‍വേ സ്റ്റേഷനില്‍ ഇന്നലെ വൈകിട്ട് ആറ് മണിയോടെയായിരുന്നു സംഭവം. ആക്രമണത്തില്‍ 18 പേര്‍ക്ക് പരിക്കേറ്റു. പരുക്കേറ്റ ആറ് പേരുടെ നില അതീവ ഗുരുതരമാണ്. സംഭവത്തില്‍
മുപ്പത്തിയൊമ്പത് വയസുള്ള യുവതിയെ പൊലീസ് അറസ്റ്റ് ചെയ്തു.
സ്റ്റേഷനിലെ 13 നും 14 നും ഇടയിലുള്ള പ്ലാറ്റഫോമില്‍ ട്രെയില്‍ കാത്ത് നിന്നവരെയാണ് യുവതി ആക്രമിച്ചത്. ആക്രമണത്തിന്റെ കാരണം വ്യക്തമല്ലെന്നും പൊലീസ് അറിയിച്ചു. സംഭവത്തെത്തുടര്‍ന്ന് ഗതാഗതം ഏറെ നേരം തടസ്സപ്പെട്ടു. നാലു ട്രാക്കുകള്‍ അടക്കുകയും ദീര്‍ഘദൂര ട്രെയിനുകള്‍ വൈകിയെന്നും അധികൃതര്‍ അറിയിച്ചു. ജര്‍മ്മനിയിലെ രണ്ടാമത്തെ വലിയ നഗരമായ ഹാംബര്‍ഗ് ഡൗണ്‍ടൗണിലെ പ്രധാന സ്റ്റേഷനാണിത്.
