വടക്കേ അമേരിക്കയിലെ മലയാളി ഹിന്ദുക്കളുടെ പൊതുവേദിയായ കേരള ഹിന്ദു സോഫ് നോർത്ത് അമേരിക്കയുടെ ഈ വർഷത്തെ സ്കോളർഷിപ്പ് വിതരണോദ്ഘാടനം ഇന്ന് (മെയ് 31, ഞായറാഴ്ച) രാവിലെ 10 മണിക്ക് (ഈസ്റ്റേൺ ടൈം) നടക്കും. ഈ വർഷം നൂറോളം പ്രൊഫഷണൽ സ്കൂൾ വിദ്യാർത്ഥികൾക്ക് 25000 മുതൽ 40,000 രൂപ വരെ സ്കോളർഷിപ്പ് തുകയായി വിതരണം ചെയ്യും.
കെ.എച്ച്.എൻ.എ യുടെ ലക്ഷ്യങ്ങളിൽ പ്രമുഖമായിട്ടുള്ള വിദ്യാഭ്യാസ സ്കോളർഷിപ്പ് പദ്ധതിയിലൂടെ കുട്ടികൾക്ക് അവരുടെ ഭാവി സുരക്ഷിതമാക്കുവാൻ സ്കോളർഷിപ്പ് പരിപാടിയിലൂടെ കഴിയുമെന്ന് പ്രസിഡൻ്റ്റ് ടി ഉണ്ണികൃഷ്ണൻ പറഞ്ഞു. വരും വർഷങ്ങളിലും പദ്ധതി കൂടുതൽ ഭംഗിയായി മുന്നോട്ടു കൊണ്ടുപോകുമെന്നും അർഹരായ എല്ലാ കുട്ടികൾക്കും സ്കോളർഷിപ്പ് കൊടുക്കുമെന്നും അദ്ദേഹം വ്യക്തമാക്കി. കെ.എച്ച്.എൻ.എ യുടെ ആരംഭ കാലം തൊട്ട് ഇന്നേവരെയായി 2000 വിദ്യാർത്ഥികൾക്കായി അഞ്ചുകോടിക്കെടുത്ത് വിദ്യാഭ്യാസ സഹായം ചെയ്തിട്ടുണ്ടെന്ന് ട്രസ്റ്റ് ബോർഡ് ചെയർ വനജ നായർ അറിയിച്ചു കുട്ടികളുടെ കുടുംബ വാർഷിക വരുമാന പദ്ധതി ഉയർത്തി അടുത്ത വർഷം കൂടുതൽ കുട്ടികൾക്ക് സ്കോളർഷിപ്പിന്റെ പ്രയോജനം കിട്ടുവാൻ വേണ്ട നടപടിയെടുക്കുമെന്നും വനജ നായർ അറിയിച്ചു. സ്കോളർഷിപ്പ് ഉദ്ഘാടന പരിപാടി ശ്രീ ചിദാനന്ദപുരം സ്വാമികളുടെ അനുഗ്രഹപ്രഭാഷണവും ന്യൂയോർക്ക് സ്റ്റേറ്റ് സുപ്രീം കോടതി ആക്ടിംഗ് ജസ്റ്റിസ് രാജരാജേശ്വരിയുടെ ആശംസാ പ്രഭാഷണവും ഉണ്ടാകും. പ്രാസംഗികരായി ജന്മഭൂമി പത്രാധിപർ ശ്രീ ശ്രീകുമാർ ആനന്ദാശ്രമം ചാരിറ്റബിൾ ഫൗണ്ടേഷൻ പ്രസിഡൻറ് ഡോക്ടർ ജയ് കെ രാമനും പങ്കെടുക്കും.
