ന്യൂഡല്ഹി: ഇന്ത്യ-പാക് സംഘര്ഷം തുടരുന്ന പശ്ചാത്തലത്തില് അതിര്ത്തി സംസ്ഥാനങ്ങളില് ജാഗ്രത തുടരുന്നു. ഇതിന്റെ ഭാഗമായി രാജ്യത്തെ 27 വിമാനത്താവളങ്ങള് മെയ് 10 വരെ അടച്ചിടും. 430 വിമാന സര്വീസുകള് റദ്ദാക്കി.
ശ്രീനഗര്, ജമ്മു, ലേ, ചണ്ഡീഗഡ്, അമൃത്സര്, ലുധിയാന, പട്യാല, ബതിന്ദ, ഹല്വാര, പത്താന്കോട്ട്, ഭുന്തര്, ഷിംല, ഗഗ്ഗല്, ധര്മ്മശാല, കിഷന്ഗഡ്, ജയ്സാല്മീര്, ജോധ്പൂര്, ബിക്കാനീര്, മുന്ദ്ര , ജാംനഗര്, രാജ്കോട്ട്, പോര്ബന്ദര്, കാണ്ട്ല, കെഷോദ്, ഭുജ്, ഗ്വാളിയോര്, ഹിന്ഡണ് തുടങ്ങിയ വിമാനത്താവളങ്ങളാണ് അടച്ചിടുന്നത്. വടക്കേ ഇന്ത്യയിലെയും മധ്യപടിഞ്ഞാറന് ഇന്ത്യയിലെയും വിമാനത്താവളങ്ങളാണ് താല്ക്കാലികമായി അടച്ചിടുന്നത്. വിമാനങ്ങള് റദ്ദാക്കുമ്പോള് യാത്രക്കാര്ക്ക് മുഴുവന് തുകയും റീഫണ്ട് നല്കുമെന്നും വിമാനകമ്പനികള് അറിയിച്ചിട്ടുണ്ട്.
അതേസമയം, ഓപ്പറേഷന് സിന്ദൂറിന് പിന്നാലെ അതിര്ത്തി മേഖലയിലെ സ്കൂളുകളും വിദ്യാഭ്യാസ സ്ഥാപനങ്ങള്ക്ക് മറ്റ് സ്ഥാപനങ്ങള്ക്കും പൂര്ണമായും അവധി നല്കിയിട്ടുണ്ട്.
