ഏറെക്കാലമായി നിലനിന്നിരുന്ന നയതന്ത്ര തർക്കങ്ങൾ പരിഹരിച്ച് ഇന്ത്യയുമായുള്ള ബന്ധം ശക്തമാക്കാൻ കാനഡ. കാനേഡിയൻ പ്രധാനമന്ത്രി മാർക്ക് കാർണി മാർച്ചിൽ ഇന്ത്യ സന്ദർശിക്കും. ഇരുരാജ്യങ്ങളും തമ്മിലുള്ള വ്യാപാര-ഊർജ്ജ ബന്ധം മെച്ചപ്പെടുത്തുന്നതിനായുള്ള സുപ്രധാന കരാറുകളിൽ സന്ദർശനവേളയിൽ ഒപ്പുവെച്ചേക്കും.
2.8 ബില്യൺ ഡോളറിന്റെ യുറേനിയം കരാർ ഇന്ത്യയുടെ ആണവോർജ്ജ നിലയങ്ങൾക്ക് ആവശ്യമായ യുറേനിയം വിതരണം ചെയ്യുന്നതിനുള്ള 10 വർഷത്തെ കരാറാണ് സന്ദർശനത്തിലെ പ്രധാന ആകർഷണം. ഏകദേശം 2.8 ബില്യൺ കനേഡിയൻ ഡോളറിന്റേതാകും ഈ പദ്ധതിയെന്നാണ് സൂചന. ഇതിനുപുറമെ ആർട്ടിഫിഷ്യൽ ഇന്റലിജൻസ് (AI), ക്വാണ്ടം കമ്പ്യൂട്ടിംഗ്, പരിസ്ഥിതി, വിദ്യാഭ്യാസം തുടങ്ങിയ മേഖലകളിലും സഹകരണത്തിന് ഇരുരാജ്യങ്ങളും ലക്ഷ്യമിടുന്നു.
