ഓട്ടവ: യുഎസിലേക്ക് യാത്രക്കൊരുങ്ങുന്ന കാനഡക്കാർക്ക് യാത്രാ ഉപദേശം നൽകി കനേഡിയൻ സർക്കാർ. 30 ദിവസത്തിൽ കൂടുതൽ താമസിക്കുകയാണെങ്കിൽ സന്ദർശകർ രജിസ്റ്റർ ചെയ്യണം. ഈ രജിസ്ട്രേഷൻ കാനഡക്കാർക്കും മറ്റ് വിദേശ പൗരന്മാർക്കും ഒരുപോലെ ബാധകമാണ്. രജിസ്റ്റർ ചെയ്യുന്നതിൽ പരാജയപ്പെട്ടാൽ പിഴ, പ്രോസിക്യൂഷൻ, തടങ്കൽ അല്ലെങ്കിൽ നാടുകടത്തലിന് കാരണമാകുമെന്നും മുന്നറിയിപ്പിൽ പറയുന്നു. സന്ദർശകർക്ക് യുഎസ് കസ്റ്റംസ് ബോർഡർ പ്രൊട്ടക്ഷൻ വെബ്‌സൈറ്റിൽ അവരുടെ I-94 പ്രവേശന ഫോം നോക്കി സ്വയമേവ രജിസ്റ്റർ ചെയ്തിട്ടുണ്ടോ എന്ന് പരിശോധിക്കാൻ കഴിയും.
അതേസമയം, യാത്രയ്ക്കിടെ ഉണ്ടാകുന്ന സങ്കീർണതകൾ ഒഴിവാക്കാൻ കനേഡിയൻ യാത്രക്കാർ ഈ മാനദണ്ഡങ്ങളെക്കുറിച്ച് അറിഞ്ഞിരിക്കേണ്ടത് അത്യാവശ്യമാണെന്നും, യുഎസ് പ്രവേശന നിബന്ധനകൾ പാലിക്കാത്ത യാത്രക്കാർക്ക് വേണ്ടി ഇടപെടാൻ കഴിയില്ലെന്നും കനേഡിയൻ സർക്കാർ മുന്നറിയിപ്പ് നൽകുന്നു.
