മുൻ പരിസ്ഥിതി മന്ത്രിയും നിലവിലെ കനേഡിയൻ ഐഡന്റിറ്റി ആൻഡ് കൾച്ചർ മന്ത്രിയുമായ സ്റ്റീവൻ ഗിൽബോൾട്ട് ലിബറൽ മന്ത്രിസഭയിൽ നിന്ന് രാജിവെച്ചു. പ്രധാനമന്ത്രി മാർക്ക് കാർണി ആൽബർട്ടയുമായി ഒരു ഊർജ്ജ, പൈപ്പ്ലൈൻ കരാറിൽ ഒപ്പുവെച്ച് ഏതാനും മണിക്കൂറുകൾക്കുള്ളിലാണ് രാജി. മോൺട്രിയൽ ഏരിയ റൈഡിങ്ങിൽ നിന്നുള്ള ഗിൽബോൾട്ട് ലിബറൽ എംപിയായി തുടരും. പുതിയ എണ്ണ പൈപ്പ്ലൈൻ നിർമ്മിക്കുന്ന കാര്യത്തിൽ ഗിൽബോൾട്ട് അതൃപ്തനായിരുന്നതായി സൂചനയുണ്ട്.
ലിബറൽ കോക്കസിലെ പ്രമുഖ പരിസ്ഥിതി പ്രവർത്തകരിൽ ഒരാളാണ് സ്റ്റീവൻ ഗിൽബോൾട്ട്. കൂടാതെ ജസ്റ്റിൻ ട്രൂഡോ കൊണ്ടുവന്ന ഉപഭോക്തൃ കാർബൺ നികുതിയുടെ ഉറച്ച വക്താവുമായിരുന്നു അദ്ദേഹം. രാഷ്ട്രീയ ജീവിതത്തിന് മുമ്പ്, ഗിൽബോൾട്ട് കെബെക്കിലെ ഏറ്റവും വലിയ പരിസ്ഥിതി സംഘടനയുടെ സഹസ്ഥാപകനായിരുന്നു. ഒപ്പം ഗ്രീൻപീസിന്റെ ഡയറക്ടറായും കാംപെയ്ൻ മാനേജരായും സേവനമനുഷ്ഠിച്ചു.
