ലോസ് ആഞ്ചലസിൽ കുടിയേറ്റക്കാരുടെ പ്രക്ഷോഭം കലാപത്തിലേക്ക് നീങ്ങിയതോടെ കര്‍ഫ്യു പ്രഖ്യാപിച്ച് ഗവര്‍ണര്‍. ചൊവ്വാഴ്ച രാത്രി എട്ടു മുതല്‍ മേയര്‍ കേരണ്‍ ബാസ് കര്‍ഫ്യു പ്രഖ്യാപിച്ചത്. രാത്രി എട്ടു മുതല്‍ രാവിലെ ആറു വരെയാകും കര്‍ഫ്യു. ഇന്നലെ മാത്രം 197 പ്രതിഷേധക്കാരെ പൊലീസ് അറസ്റ്റ് ചെയ്തതായാണ് വിവരം. അതിനിടെ, പ്രക്ഷോഭം നേരിടാന്‍ 700 മറീനുകളെ കൂടി ട്രംപ് നിയോഗിച്ചു. നേരത്തെ വിന്യസിച്ച 4000 നാഷനല്‍ ഗാര്‍ഡുകള്‍ക്ക് പുറമേയാണിത്.

ആളുകളുടെ ജീവന്‍ രക്ഷിക്കാന്‍ അടിയന്തരാവസ്ഥ അനിവാര്യമാണെന്ന് ലോസ് ആഞ്ചലസ് പൊലീസ് ചീഫ് ജീം മക്ഡോണല്‍ പറഞ്ഞു. അടിയന്തരാവസ്ഥ ലംഘിക്കുന്നവരെ അറസ്റ്റ് ചെയ്യും. ശനിയാഴ്ച മുതല്‍ നഗരത്തില്‍ നിയമവിരുദ്ധ പ്രവര്‍ത്തനങ്ങള്‍ വര്‍ദ്ധിച്ചു. ശനിയാഴ്ച മാത്രം 27 പേരെ അറസ്റ്റ് ചെയ്തു. ഞായറാഴ്ച അത് 40 ആയി. തിങ്കളാഴ്ച 114 പേരെയും ചൊവ്വാഴ്ച 197 പേരെയും അറസ്റ്റ് ചെയ്തു.