ബ്രിട്ടിഷ് കൊളംബിയയില് പ്രാക്ടീസ് ചെയ്യാന് ഒരുങ്ങുന്ന യുഎസ് ഡോക്ടര്മാര്ക്കും നഴ്സുമാര്ക്കും ഫാസ്റ്റ് ട്രാക്ക് ലൈസന്സിങ് ഉടന് അനുവദിക്കുമെന്ന് ആരോഗ്യ മന്ത്രാലയം. കോളേജ് ഓഫ് ഫിസിഷ്യന്സ് ആന്ഡ് സര്ജന്സ് ഓഫ് ബിസി മെയ് 30-ന് പാസാക്കിയ ബൈലോ ജൂലൈ 7 മുതല് പ്രാബല്യത്തില് വരുമെന്നും ഇതോടെ ബ്രിട്ടിഷ് കൊളംബിയ നിശ്ചയിച്ചിരിക്കുന്ന ചില യോഗ്യതയുള്ള യുഎസ് ഡോക്ടര്മാര്ക്ക് പൂര്ണ്ണ ലൈസന്സ് ഉടന് നല്കും.
അമേരിക്കന് ബോര്ഡ് ഓഫ് മെഡിക്കല് സ്പെഷ്യാലിറ്റീസ്, അമേരിക്കന് ബോര്ഡ് ഓഫ് ഫാമിലി മെഡിസിന്, അല്ലെങ്കില് അമേരിക്കന് ഓസ്റ്റിയോപതിക് ബോര്ഡ് ഓഫ് ഫാമിലി ഫിസിഷ്യന്സ് എന്നിവയില് നിന്നുള്ള സര്ട്ടിഫിക്കേഷന് ഉള്ള ഡോക്ടര്മാര്ക്കാണ് യോഗ്യത. യുഎസില് നിന്നുള്ള ഡോക്ടര്മാര് ബ്രിട്ടിഷ് കൊളംബിയയിലേക്ക് എത്തി പ്രാക്ടീസ് ചെയ്യുന്നതോടുകൂടി പ്രവിശ്യയിലെ ആരോഗ്യസംരക്ഷണ മേഖല മെച്ചപ്പെടുമെന്ന പ്രതീക്ഷയിലാണ്ആരോഗ്യവകുപ്പ്.
