ഓട്ടവ : കാനഡയില് സ്പ്രിംഗ് സീസണ് വൈകുമെന്ന് ഫാര്മേഴ്സ് അല്മനാക്ക് പ്രവചനം. മാര്ച്ച് ഇരുപതിനാണ് രാജ്യത്ത് സ്പ്രിംഗ് സീസണ് ആരംഭിക്കുക. ഗ്രേറ്റ് ലേക്സ്, ക്യുബെക്ക്, മാരിടൈംസ് എന്നിവടങ്ങളിൽ ശൈത്യകാലം തുടരുമ്പോൾ തന്നെ ആകും വസന്തകാലം എത്തിച്ചേരുക.
കനത്ത മഞ്ഞുവീഴ്ചയും മഴയും കൊണ്ടുവരുന്ന അസാധാരണമായ ശീതകാല കൊടുങ്കാറ്റ് ഏപ്രില് ആദ്യവാരം അറ്റ്ലാൻ്റിക് കാനഡയിലുടനീളം ആരംഭിക്കും. ഏപ്രില് ആദ്യ വാരം പ്രയറികളിലുടനീളം അതിതീവ്ര കാലാവസ്ഥയായിരിക്കും അനുഭവപ്പെടുക. ജൂണ് മാസത്തില് പോലും പ്രത്യേകിച്ച് ബ്രിട്ടീഷ് കൊളംബിയയില് താപനില കുറവായിരിക്കുമെന്നാണ് ഏജൻസിയുടെ പ്രവചനം.
