വാഷിങ്ടൺ : ആഗോളതലത്തിൽ ജീവനക്കാരുടെ എണ്ണം കുറക്കാനായി യൂറോപ്പിലുള്ള തങ്ങളുടെ നിരവധി കോൺസുലേറ്റുകൾ അടച്ചുപൂട്ടുമെന്ന് യുഎസ് സ്റ്റേറ്റ് ഡിപ്പാർട്ട്മെന്റ്. സ്റ്റേറ്റ് ഡിപ്പാർട്ട്മെന്റ് പൂട്ടാൻ പരിഗണിക്കുന്ന ചെറിയ കോൺസുലേറ്റുകളുടെ പട്ടികയിൽ ജർമനിയിലെ ലീപ്സിഗ്, ഹാംബർഗ്, ഡസ്സൽഡോർഫ്, ഫ്രാൻസിലെ ബോർഡോ, സ്ട്രാസ്ബർഗ്, ഇറ്റലിയിലെ ഫ്ലോറൻസ് എന്നിവ ഉൾപ്പെടുന്നു. തുർക്കിയിലെ തെക്കുകിഴക്കൻ നഗരമായ ഗാസിയാൻടെപ്പിലെ തങ്ങളുടെ ശാഖ അടച്ചുപൂട്ടാൻ പദ്ധതിയിടുന്നതായി ഡിപ്പാർട്ട്മെന്റ് കോൺഗ്രസിനെ അറിയിച്ചതായി ഉദ്യോഗസ്ഥർ പറഞ്ഞു.
മനുഷ്യാവകാശം, അഭയാർത്ഥി, ആഗോള നീതി, സ്ത്രീകളുടെ പ്രശ്നങ്ങൾ, മനുഷ്യക്കടത്ത് തടയാനുള്ള ശ്രമങ്ങൾ തുടങ്ങി വിവിധ മേഖലകളിൽ പ്രവർത്തിക്കുന്ന യുഎസ് ആസ്ഥാനത്തുള്ള നിരവധി ഡിപ്പാർട്ട്മെൻ്റുകളെ ലയിപ്പിക്കാനും സ്റ്റേറ്റ് ഡിപ്പാർട്ട്മെന്റ് ആലോചിക്കുന്നതായി ഉദ്യോഗസ്ഥർ പറഞ്ഞു.
