2025-ലെ ഡേലൈറ്റ് സേവിങ് സമയക്രമം കാനഡയിൽ മാര്‍ച്ച് 9 ന് ആരംഭിക്കും. ഇതോടെ അന്ന് മുതല്‍ ക്ലോക്ക് ഒരു മണിക്കൂര്‍ മുന്നോട്ട് നീങ്ങും. നവംബർ രണ്ടിന് ക്ലോക്കുകള്‍ ഒരു മണിക്കൂര്‍ പിന്നോട്ട് തിരിയുന്നതോടെ ഡേലൈറ്റ് സേവിങ് അവസാനിക്കും. ഏതാണ്ട് ഒമ്പത് മാസത്തോളം നീണ്ടുനില്‍ക്കുന്ന ഡേലൈറ്റ് സേവിങ് അവസാനിക്കുന്നതോടെ വീണ്ടും സ്റ്റാന്‍ഡേര്‍ഡ് സമയത്തിലേക്ക് തിരിച്ചെത്തും.
വർഷത്തിൽ രണ്ടുതവണ ഉറക്കത്തിലും ഉൽപ്പാദനക്ഷമതയിലും ഉണ്ടാകുന്ന ആഘാതങ്ങളെക്കുറിച്ചും തലവേദന അടക്കമുള്ള ആരോഗ്യപ്രശ്നങ്ങളുമെല്ലാം നിലനിൽക്കെയാണ് സമയമാറ്റം വീണ്ടും വരുന്നത്.
