ഒന്റാരിയോ: പേ വിഷബാധയ്ക്ക് സാധ്യതയുണ്ടെന്ന് കരുതുന്ന വവ്വാലുമായി സമ്പർക്കം പുലർത്തിയയാൾക്കായി ടൊറന്റോ പബ്ലിക് ഹെൽത്ത്(ടിപിഎച്ച്) തിരച്ചിൽ നടത്തുന്നു. ജൂൺ 25 ബുധനാഴ്ച രാവിലെ 9.24 ന് 88-100 ഹാർബർ സ്ട്രീറ്റിന്റെ നോർത്ത് എൻട്രൻസിൽ വെച്ച് പേവിഷബാധയുടെ ലക്ഷണങ്ങൾ പ്രകടിപ്പിച്ച വവ്വാലിനെ ഒരാൾ സ്പർശിച്ചതായി ടിപിഎച്ച് റിപ്പോർട്ട് ചെയ്തു. ഇതിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.
വ്യക്തിയെ തിരിച്ചറിയാൻ പൊതുജനങ്ങളോട് ടിപിഎച്ച് സഹായം അഭ്യർത്ഥിച്ചു. ഏകദേശം അഞ്ചടി എട്ട് ഇഞ്ച് ഉയരവുംതാടിയും ഉള്ളയാളാണ് ഇയാൾ. കണ്ണട ധരിച്ചിരുന്നു. കറുത്ത ടീ ഷർട്ടും, കറുത്ത പാന്റും, വെളുത്ത സ്‌നീക്കറുകളുമാണ് ഇയാൾ ധരിച്ചിരുന്നത്. കൂടാതെ, ഒരു വാട്ടർബോട്ടിലും ഇയാൾ കൈവശം വെച്ചിരുന്നു. തിങ്കൾ മുതൽ വെള്ളി വരെ രാവിലെ 8.30 നും വൈകുന്നേരം 4.30 നും ഇടയിൽ 416-338-7600 എന്ന നമ്പറിൽ വിളിക്കണമെന്ന് വ്യക്തിയോടും ടിപിഎച്ച് അഭ്യർത്ഥിച്ചു.
