ഹൈഡ്രോ-കെബെക്കിനെ ഇനി ക്ലൗഡിന് ബുഷാര്ഡ് നയിക്കും.മൈക്കല് സാബിയയുടെ പിന്ഗാമിയായി ക്ലൗഡിന് ബുഷാര്ഡ് ഹൈഡ്രോ-കെബെക്കിന്റെ പ്രസിഡന്റും സിഇഒയും ആകുമെന്ന് അധികൃതര് അറിയിച്ചു.
പ്രധാനമന്ത്രി മാര്ക്ക് കാര്ണിയുടെ മന്ത്രിസഭയില് പ്രിവി കൗണ്സില് ക്ലാര്ക്കും, കാബിനറ്റ് സെക്രട്ടറിയുമായി ചേരാന് തീരുമാനിച്ച മൈക്കല് സാബിയയുടെ രാജിയെ തുടര്ന്നാണ് ഈ നിയമനം. കെബെക്ക് എനര്ജി യൂട്ടിലിറ്റിക്ക് സുപ്രധാന നേതൃത്വ പരിവര്ത്തനം അടയാളപ്പെടുത്തിക്കൊണ്ട്, ക്ലൗഡിന് ബുഷാര്ഡ് ശനിയാഴ്ച ഔദ്യോഗികമായി സ്ഥാനം ഏല്ക്കും.
ഇരുപത്തിയഞ്ച് വര്ഷമായി ഹൈഡ്രോ-കെബെക്കില് സേവനമനുഷ്ഠിക്കുന്ന ക്ലൗഡിന് ബുഷാര്ഡ് കമ്പനിയുടെ മുന് എക്സിക്യൂട്ടീവ് വൈസ് പ്രസിഡന്റും ചീഫ് ഓപ്പറേറ്റിങ് ആന്ഡ് ഇന്ഫ്രാസ്ട്രക്ചര് ഓഫീസറുമായിരുന്നു.
