കേരളത്തനിമയും പാരമ്പര്യവും ഒത്തിണക്കി കെയ്പ് ബ്രെറ്റൺ മലയാളി അസോസിയേഷൻ (CBMA) ഈ വർഷവും ഓണം ആഘോഷിക്കുന്നു. ഓണനിലാവ് 2026’ എന്ന പേരിൽ Glace Bay Miners Forum-ലാണ് ഓണാഘോഷം സംഘടിപ്പിച്ചിരിക്കുന്നത്. ഓണാഘോഷത്തോടൊപ്പം അസോസിയേഷന്‍റെ അഞ്ചാം വാർഷികവും കൊണ്ടാടുമെന്ന് ഭാരവാഹികൾ അറിയിച്ചു.
വിഭവസമൃദ്ധമായ ഓണസദ്യ, വിവിധ കല-കായിക മത്സരങ്ങൾ, ചെണ്ടമേളവും ഫ്യൂഷൻ അവതരണവും, തിരുവാതിര, സംഗീതം, നൃത്തം തുടങ്ങി വൈവിധ്യമാർന്ന കലാപരിപാടികൾ ആഘോഷത്തോടനുബന്ധിച്ച് ഒരുക്കിയിട്ടുണ്ട്. ഓണനിലാവ് 2026-ൽ പങ്കെടുക്കാൻ മുൻകൂട്ടി രജിസ്റ്റർ ചെയ്യാം. പന്ത്രണ്ട് വയസ്സിൽ താഴെയുള്ള കുട്ടികൾക്ക് പ്രവേശനം സൗജന്യമായിരിക്കും.
