യൂറോപ്യൻ യൂണിയനുമായി (EU) സഹകരിച്ച് പ്രതിരോധ ബന്ധം ശക്തിപ്പെടുത്താനൊരുങ്ങുകയാണ് കാനഡ. നാറ്റോ സഖ്യത്തെ ചുറ്റിപ്പറ്റിയുള്ള അനിശ്ചിതത്വം നിലനിൽക്കെയാണ് കാനഡയുടെ ഈ നീക്കം. ഒരു വർഷത്തിലേറെയായി, കാനഡയും യൂറോപ്യൻ യൂണിയനും സുരക്ഷാ, പ്രതിരോധ പങ്കാളിത്തത്തെക്കുറിച്ച് ചർച്ച നടത്തിവരികയാണ്. സംയുക്ത പ്രതിരോധ വ്യവസായ ഉൽപ്പാദനം വർധി പ്പിക്കുകയെന്ന ലക്ഷ്യത്തോടെ, കാനഡയുമായുള്ള പ്രതിരോധ ബന്ധം യൂറോപ്യൻ യൂണിയൻ ശക്തിപ്പെടുത്തുകയാണെന്ന് EU മാർച്ചിൽ പുറത്തിറക്കിയ പ്രസ്താവനയിൽ പറയുന്നു.
യൂറോപ്യൻ കമ്പനികൾ ഇതിനകം തന്നെ കാനഡയിൽ പ്രതിരോധം ഉൾപ്പെടെ വൻതോതിൽ നിക്ഷേപം നടത്തിയിട്ടുണ്ടെന്നും ഇതിനെ അടിസ്ഥാനമാക്കി ഇരുപക്ഷത്തിനും പ്രവർത്തിക്കാൻ കഴിയുമെന്നും പ്രതീക്ഷിക്കുന്നു.
