കാനഡയിലെ ഭവനപ്രതിസന്ധിക്ക് പരിഹാരമായി വീടുകളുടെ നിർമ്മാണം വേഗത്തിലാക്കണമെന്ന് കാനഡ മോർഗെജ് ആൻഡ് ഹൗസിങ് കോർപ്പറേഷൻ (CMHC). നിലവിലെ വാർഷിക ഭവനനിർമ്മാണ നിരക്ക് ഇരട്ടിയാക്കണമെന്ന് ഹൗസിങ് കോർപ്പറേഷൻ നിർദ്ദേശിക്കുന്നു.
സാധാരണക്കാർക്കും വീടുകൾ വാങ്ങാവുന്ന അവസ്ഥയിലേക്ക് ഭവനവിപണിയെ എത്തിക്കുക എന്ന ലക്ഷ്യത്തോടെ 2035 വരെ പ്രതിവർഷം 430,000 മുതൽ 480,000 വരെ വീടുകൾ നിർമ്മിക്കണമെന്നും കോർപ്പറേഷൻ പറയുന്നു. എന്നാൽ, നിലവിൽ പ്രതിവർഷം ഏകദേശം 250,000 വീടുകൾ മാത്രമാണ് നിർമ്മിക്കുന്നത്. ഇത് വീടുകളുടെ വില വർധിക്കുന്നതിന് കാരണമാകുന്നുണ്ടെന്നും ഏജൻസി ചൂണ്ടിക്കാണിക്കുന്നു.
