കാനഡയിൽ പ്രവൃത്തി പരിചയമുള്ള സീനിയർ മാനേജർമാർക്കായി പുതിയ എക്‌സ്‌പ്രസ് എൻട്രി നറുക്കെടുപ്പ് നടത്തി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC). ജൂലൈ 10-ന് നടന്ന ഈ പ്രത്യേക നറുക്കെടുപ്പിൽ സ്ഥിരതാമസത്തിന് (PR) അപേക്ഷിക്കാനായി 500 അപേക്ഷകർക്ക് ഇൻവിറ്റേഷൻ നൽകി. ഈ വർഷം സീനിയർ മാനേജർ കാറ്റഗറിയിൽ നടക്കുന്ന രണ്ടാമത്തെ എക്‌സ്‌പ്രസ് എൻട്രി നറുക്കെടുപ്പാണിത്. സമഗ്ര റാങ്കിംഗ് സിസ്റ്റം (CRS) സ്കോർ 392 ഉള്ള അപേക്ഷകരെയാണ് ഈ നറുക്കെടുപ്പിൽ പരിഗണിച്ചത്. മാർച്ച് 5-ന് നടന്ന ആദ്യ സീനിയർ മാനേജർ കാറ്റഗറി ഡ്രോയിലെ കട്ട്-ഓഫ് സ്കോർ 429 ആയിരുന്നു.

2026-ൽ IRCC 38 എക്സ്പ്രസ് എൻട്രി നറുക്കെടുപ്പുകൾ നടത്തിയിട്ടുണ്ട്. ഈ വർഷം ഇതുവരെ വിവിധ എക്സ്പ്രസ് എൻട്രി നറുക്കെടുപ്പുകളിലൂടെ ആകെ 92,101 ITAകളാണ് IRCC നൽകിയിട്ടുള്ളത്.