കർശന നിയന്ത്രങ്ങളുടെ കീഴിൽ എല്ലാ പ്രായക്കാരും പങ്കെടുക്കുന്ന പരിപാടികളിൽ കാനബീസ് വിൽപ്പന അനുവദിക്കുന്നതിനായി കാൽഗറി പുതിയ മാറ്റങ്ങൾ വരുത്തി. ഇതിന്റെ ഭാഗമായി ബിസിനസ് ലൈസൻസ് ബൈലോ ഭേദഗതി ചെയ്തു. ഈ വർഷം ജൂലൈയിൽ എല്ലാ പ്രായത്തിലുമുള്ള ആളുകൾ പങ്കെടുക്കുന്ന പരിപാടികളിൽ കാനബീസ് വിൽപ്പന ആൽബെർട്ട ഗെയ്മിംഗ്, ലിക്വർ ആൻഡ് കാനബീസ് കമ്മീഷൻ(AGLC) അനുവദിച്ചിരുന്നു.
പുതിയ നിയമപ്രകാരം, പ്രായപൂർത്തിയാകാത്തവരെ അനുവദിക്കാത്ത നിയുക്ത പ്രദേശങ്ങളിലാണ് കാനബീസ് വിൽപ്പനയും ഉപഭോഗവും നടക്കുന്നതെന്ന് ചില്ലറ വ്യാപാരികൾ ഉറപ്പാക്കണം. കാനബീസ് വിൽപ്പനയും ഉപഭോഗ മേഖലകളും വ്യക്തമായി അടയാളപ്പെടുത്തുകയും ഭൗതികമായി വേർതിരിക്കുകയും വേണം. ഭേദഗഥി ചെയ്ത ബൈലോയുടെ ഭാഗമായി, ചില്ലറ വ്യാപാരികൾ താൽക്കാലിക ലൈസൻസ് വിപുലീകരണത്തിനായി AGLC യിൽ അപേക്ഷിക്കുകയും എല്ലാ പ്രവിശ്യാ സുരക്ഷാ ചട്ടങ്ങളും പാലിക്കുകയും വേണം.
