സെപ്റ്റംബർ 17 ബുധനാഴ്ച ബാങ്ക് ഓഫ് കാനഡയുടെ പലിശനിരക്ക് പ്രഖ്യാപനം നടക്കും. തുടർച്ചയായി മൂന്ന് തവണ നിരക്കുകളിൽ മാറ്റം വരുത്താതിരുന്ന സെൻട്രൽ ബാങ്ക്, ഇത്തവണ കാൽ ശതമാനം കുറവ് വരുത്തി 2.5 ശതമാനമാക്കുമെന്ന് പ്രതീക്ഷിക്കുന്നതായി സാമ്പത്തിക വിദഗ്ധർ പ്രവചിക്കുന്നു. പണപ്പെരുപ്പത്തിന്റെ പുതിയ കണക്കുകളും, താരിഫ് നയങ്ങളിലെ മാറ്റങ്ങളും, സർക്കാർ ചെലവഴിക്കൽ പദ്ധതികളെക്കുറിച്ചുള്ള അനിശ്ചിതത്വങ്ങളും പരിഗണിച്ചാണ് പ്രവചനം.
ബാങ്കിന്റെ തീരുമാനത്തിന് മുമ്പായി ഓഗസ്റ്റിലെ പണപ്പെരുപ്പക്കണക്കുകൾ ചൊവ്വാഴ്ച പുറത്തുവരും. ജൂലൈയിലെ 1.7 ശതമാനത്തിൽ നിന്ന് ഓഗസ്റ്റിൽ പണപ്പെരുപ്പം രണ്ട് ശതമാനമായി ഉയരുമെന്നാണ് സാമ്പത്തിക വിദഗ്ധർ പ്രവചിക്കുന്നത്. അടുത്ത രണ്ട് മാസങ്ങളിൽ ബാങ്ക് പലിശ നിരക്കുകളിൽ കാൽ ശതമാനം വീതം കുറവ് വരുത്താൻ സാധ്യതയുണ്ടെന്നും സാമ്പത്തിക വിദഗ്ധർ പറയുന്നു. കൂടാതെ, പ്രധാനമന്ത്രി മാർക്ക് കാർണിയുടെ നേതൃത്വത്തിലുള്ള സർക്കാർ കൊണ്ടുവരാൻ പോകുന്ന പുതിയ ബജറ്റും ബാങ്ക് പരിഗണിക്കുമെന്നും, ഇത് സാമ്പത്തിക വളർച്ചയെ ഉത്തേജിപ്പിക്കുമെന്നും അദ്ദേഹം കൂട്ടിച്ചേർത്തു.
