ആൽബെർട്ട: ഡ്രൈവിംഗ് ലൈസൻസുകളിൽ പൗരത്വ മാർക്കറുകൾ നിർബന്ധമാക്കുന്ന ആദ്യ പ്രവിശ്യയാകാൻ ആൽബെർട്ട. ഡ്രൈവിംഗ് ലൈസൻസുകളിൽ പൗരത്വം, ഹെൽത്ത് കാർഡ് നമ്പർ എന്നിവ 2026 അവസാനത്തോടെ പതിപ്പിക്കും. ഡ്രൈവിംഗ് ലൈസൻസുകളിലും തിരിച്ചറിയൽ കാർഡുകളിലും കനേഡിയൻ പൗരത്വ മാർക്കറുകൾ ഉണ്ടായിരിക്കുമെന്ന് ആൽബെർട്ട സർക്കാർ പ്രഖ്യാപിച്ചു.
കാനഡയിൽ ഇത്തരത്തിലുള്ള ആദ്യത്തെ നിർബന്ധിത മാറ്റം 2026 അവസാനത്തോടെ പ്രാബല്യത്തിൽ വരുമെന്ന് പ്രീമിയർ ഡാനിയേൽ സ്മിത്ത് പറഞ്ഞു. ഡ്രൈവിംഗ് ലൈസൻസുകളിൽ പൗരത്വ വിവരങ്ങൾ ചേർക്കുന്നത് വഴി ആൽബെർട്ടൻസിന് വിദ്യാർത്ഥി സഹായം, ആരോഗ്യ ആനുകൂല്യങ്ങൾ, വൈകല്യ പിന്തുണ തുടങ്ങിയവയ്ക്കുള്ള ധനസഹായത്തിനും സേവനങ്ങൾക്കും കൂടുതൽ ഫലപ്രദമായി അപേക്ഷിക്കാൻ സഹായിക്കുമെന്ന് സ്മിത്ത് പറഞ്ഞു. ആൽബർട്ടക്കാർക്ക് അവരുടെ ഐഡൻ്റിറ്റിയും പൗരത്വവും തെളിയിക്കേണ്ടിവരുമ്പോൾ, ഒരൊറ്റ രേഖ ഉപയോഗിച്ച് അത് ചെയ്യാൻ കഴിയുമെന്നും പ്രീമിയർ പറഞ്ഞു.
