പ്രവിശ്യയിലെ ആരോഗ്യ സംരക്ഷണ സംവിധാനങ്ങൾ മെച്ചപ്പെടുത്തുന്നതിനായി ആൽബെർട്ടാ സർക്കാർ പുതിയ പദ്ധതി പ്രഖ്യാപിച്ചു. അടുത്ത മൂന്ന് വർഷത്തിനുള്ളിൽ 50,000-ത്തിലധികം അധിക ശസ്ത്രക്രിയകൾ നടത്താനാണ് പുതിയ പദ്ധതിയിലൂടെ ലക്ഷ്യമിടുന്നത്. കാൽഗറിയിലെ സൗത്ത് ഹെൽത്ത് കാമ്പസിൽ ഉൾപ്പെടെ, ആയിരത്തിലധികം ആശുപത്രി കിടക്കകൾ കൂടി ചേർക്കും. എട്ട് പുതിയ അടിയന്തര പരിചരണ കേന്ദ്രങ്ങൾ നിർമ്മിക്കും.
രോഗികളെയും ആരോഗ്യ പ്രവർത്തകരെയും സഹായിക്കുന്നതിനും, നിലവിലെ സംവിധാനത്തിലെ പ്രശ്നങ്ങൾ പരിഹരിക്കുന്നതിനുമായാണ് പുതിയ നടപ്പാക്കുന്നതെന്ന് ആൽബർട്ട പ്രീമിയർ ഡാനിയേൽ സ്മിത്ത് പറഞ്ഞു. ആശുപത്രികളിലെ തിരക്ക് കുറയ്ക്കുക, രോഗികൾക്കുള്ള സൌകര്യങ്ങൾ മെച്ചപ്പെടുത്തുക, അത്യാഹിത വിഭാഗങ്ങളെയും ശസ്ത്രക്രിയകളെയും കമ്മ്യൂണിറ്റി പരിചരണത്തെയും പരസ്പരം കൂടുതൽ നന്നായി ബന്ധിപ്പിക്കുക എന്നിവയാണ് പദ്ധതിയുടെ ലക്ഷ്യങ്ങൾ. എങ്കിലും, ഇതെല്ലാം വെറും വാഗ്ദാനങ്ങൾ മാത്രമാണെന്നും എപ്പോൾ, എങ്ങനെ നടപ്പിലാക്കും എന്നതിനെക്കുറിച്ച് വ്യക്തമായ വിശദാംശങ്ങൾ ഇല്ലെന്നും വിമർശകർ അഭിപ്രായപ്പെട്ടു.
