എഡ്മണ്ടൺ: ആൽബെർട്ട ഫോറെവർ കാനഡ എന്ന പേരിലുള്ള പുതിയ നിവേദനവുമായി ബന്ധപ്പെട്ട നടപടികൾക്ക് എഡ്മണ്ടണിൽ ഒദ്യോഗിക തുടക്കമായി. ആൽബെർട്ടയിലെ കൂടുതൽ ആളുകളും, പ്രവിശ്യ കാനഡയുടെ ഭാഗമായി തുടരണമെന്ന് ആഗ്രഹിക്കുന്നുവെന്ന് തെളിയിക്കുകയാണ് ഇതിലൂടെ ലക്ഷ്യമിടുന്നത്. എന്നാൽ ആവശ്യത്തിന് ഒപ്പുകൾ ലഭിക്കുന്നതിനുള്ള സമയപരിധി വളരെ കുറവാണ്. ആൽബെർട്ട കാനഡയിൽ തന്നെ തുടരണമെന്ന് നിങ്ങൾ സമ്മതിക്കുന്നുണ്ടോ? ഇതാണ് വേനൽക്കാലത്ത് ആൽബെർട്ടക്കാരുടെ മുന്നിലുള്ള വലിയ ചോദ്യം. പലരും അനുകൂലിച്ചും എതിർത്തും ഇതിനോട് പ്രതികരിക്കുന്നുണ്ട്. ആൽബെർട്ടയിലെ ചീഫ് ഇലക്ടറൽ ഓഫീസർ ഈ ചോദ്യം അംഗീകരിച്ചിരുന്നു.

ആൽബെർട്ടൻസിൽ നിന്ന് ഏകദേശം 2,94,000 ഒപ്പുകൾ ശേഖരിക്കാൻ മൂന്ന് മാസത്തിൽ താഴെ സമയം മാത്രമാണുള്ളത്. ആൽബെർട്ട പ്രവിശ്യ ഒരു പരമാധികാര രാജ്യമായി മാറുമെന്നും കാനഡയിലെ ഒരു പ്രവിശ്യയായി തുടരില്ലെന്നും നിങ്ങൾ സമ്മതിക്കുന്നുണ്ടോ?” എന്നൊരു പുതിയ ഹർജിയും കോടതികൾ പരിശോധിച്ച് വരികയാണ്. പുതിയ ഹർജി കനേഡിയൻ ഇനിഷ്യേറ്റീവ് ആക്ടിന് അനുസൃതമാണോ എന്നാണ് കോടതി പരിശോധിക്കുന്നത്. റഫറണ്ടവുമായി ബന്ധപ്പെട്ട എല്ലാ ചോദ്യങ്ങളും 30 ഭരണഘടനാ നിയമങ്ങൾ പാലിക്കണമെന്നതാണ് വ്യവസ്ഥ.