ഒന്റാരിയോ: മദ്യ ലഹരിയിൽ 911 എമർജൻസി നമ്പറിൽ കുത്തേറ്റതായി വ്യാജ റിപ്പോർട്ട് ചെയ്തയാളെ ഒന്റാരിയോ പ്രൊവിൻഷ്യൽ പോലീസ് അറസ്റ്റ് ചെയ്തു. ഞായറാഴ്ച രാത്രി 10 മണിയോടെ സഡ്ബറിയ്ക്ക് സമീപം എസ്പനോളയിലെ വീട്ടിൽ നിന്നുമാണ് കുത്തേറ്റതായുള്ള വിവരം പോലീസിന് ലഭിച്ചതെന്ന് ഉദ്യോഗസ്ഥർ പ്രസ്താവനയിൽ പറഞ്ഞു. വിവരമറിഞ്ഞെത്തിയ പോലീസ് കുത്തേറ്റതായി ആരെയും കണ്ടെത്തിയില്ലെന്ന് സ്ഥിരീകരിച്ചു.
എമർജൻസി നമ്പറിൽ വിളിച്ചയാൾ മദ്യപിച്ചിരുന്നു. വ്യക്തിയെ തിരിച്ചറിഞ്ഞിട്ടില്ലെന്നും കൂടുതൽ വിവരങ്ങളും പോലീസ് പുറത്തുവിട്ടിട്ടില്ല. പൊതുസ്ഥലത്ത് ലഹരി ഉപയോഗിച്ചതിനും ശല്യം ചെയ്തതിനും ഇയാളെ അറസ്റ്റ് ചെയ്തതായി പോലീസ് പറഞ്ഞു. അടിയന്തര സംവിധാനത്തിന്റെ ദുരുപയോഗമാണ് ഈ സംഭവം വ്യക്തമാക്കുന്നതെന്ന് പോലീസ് പറഞ്ഞു.
