ഓട്ടവ: ഏപ്രില്‍ 17-ന് കാനഡ ചൈല്‍ഡ് ബെനിഫിറ്റ് (CCB) പേയ്മെന്റ് വിതരണം ചെയ്യുമെന്ന് കാനഡ റവന്യൂ ഏജന്‍സി അറിയിച്ചു. 18 വയസ്സിന് താഴെയുള്ള കുട്ടികളെ വളര്‍ത്തുന്നതിനു, അര്‍ഹരായ കുടുംബങ്ങള്‍ക്ക് നല്‍കുന്ന നികുതി രഹിത പ്രതിമാസ പേയ്മെന്റാണ് കാനഡ ചൈല്‍ഡ് ബെനിഫിറ്റ്. അപേക്ഷകരുടെ വരുമാനവും കുട്ടികളുടെ പ്രായവും അനുസരിച്ചായിരിക്കും തുക അനുവദിക്കുക. ആറ് വയസ്സിന് താഴെയുള്ള കുട്ടികള്‍ക്കുള്ള പരമാവധി വാര്‍ഷിക ആനുകൂല്യം ഇപ്പോള്‍ ഒരു കുട്ടിക്ക് 7,787 ഡോളര്‍ ആണ്. അതേസമയം ആറ് മുതല്‍ 17 വയസ്സ് വരെ പ്രായമുള്ള കുട്ടികള്‍ക്ക് പരമാവധി ആനുകൂല്യം ഒരു കുട്ടിക്ക് 6,570 ഡോളര്‍ ആയിരിക്കും ലഭിക്കുക.

കുറഞ്ഞ വരുമാനമുള്ള കുടുംബങ്ങള്‍ക്ക് കൂടുതല്‍ തുക അനുവദിച്ചുകൊണ്ട്, ശക്തമായ പിന്തുണ നല്‍കുന്നതിനാണ് സിസിബി രൂപകല്‍പ്പന ചെയ്തിരിക്കുന്നത്. കുട്ടിയുടെ പ്രായം, രക്ഷിതാവിന്റെ റസിഡന്‍സി സ്റ്റാറ്റസ്, കുടുംബത്തിന്റെ വരുമാനം എന്നിവ ഉള്‍പ്പെടെ നിരവധി ഘടകങ്ങളെ അടിസ്ഥാനമാക്കിയാണ് സിസിബിയുടെ യോഗ്യത നിര്‍ണ്ണയിക്കുന്നത്. 18 വയസ്സിന് താഴെയുള്ള കുട്ടികള്‍ക്ക് കാനഡ ചൈല്‍ഡ് ബെനിഫിറ്റ് ലഭിക്കും. കുട്ടിക്ക് 18 വയസ്സ് തികയുന്ന മാസം വരെ പേയ്മെന്റുകള്‍ ലഭിക്കുന്നത്തുടരും