ബ്രിട്ടീഷ് കൊളംബിയയിലെ ഏറ്റവും കൂടുതൽ ആളുകൾ താമസിക്കുന്ന നഗരം എന്ന നേട്ടവുമായി മെട്രോ വാൻകൂവർ തുടരുകയാണ്. ഏറ്റവും പുതിയ ജനസംഖ്യാ റിപ്പോർട്ട് അനുസരിച്ചാണ് ഇത്. മൂന്ന് ദശലക്ഷത്തിലധികം നിവാസികൾ ഈ മേഖലയിൽ താമസിക്കുന്നുണ്ടെന്ന് വാൻകൂവർ റീജിയണൽ ഡിസ്ട്രിക്റ്റ് സ്ഥിരീകരിച്ചു. റീജിയണൽ ഡിസ്ട്രിക്റ്റിൻ്റെ 2024 ലെ വളർച്ചാ പ്രവചന അപ്‌ഡേറ്റ് അനുസരിച്ച്, പ്രവിശ്യയിലെ ഏറ്റവും ജനസംഖ്യയുള്ള മുനിസിപ്പാലിറ്റിയായി വാൻകൂവർ നഗരം തുടരുന്നു. സറേ ആണ് രണ്ടാമത്തെ വലിയ മുനിസിപ്പാലിറ്റി.
ഈ മേഖലയിലെ ജനസംഖ്യാ വളർച്ചയുടെ ഏറ്റവും വലിയ ഘടകം കുടിയേറ്റമാണ്. ഈ വർഷം ആദ്യം സ്റ്റാറ്റിറ്റിക്സ് കാനഡ പുറത്ത് വിട്ട കണക്കിലും മെട്രോ വാൻകൂവറിലെ ജനസംഖ്യ മൂന്ന് ദശലക്ഷത്തിലേറെ ആയിരുന്നു. താഴ്ന്ന, ഇടത്തരം, ഉയർന്ന എന്നിങ്ങനെ മൂന്ന് വളർച്ചാ മാനദണ്ഡങ്ങൾ ഉപയോഗിച്ചാണ് കണക്കെടുപ്പ് നടത്തിയത്. ഇതിൽ ഇടത്തരം വിഭാഗത്തിലെ മാനദണ്ഡങ്ങൾ വച്ച് കണക്കുകൂട്ടുമ്പോൾ വാൻകൂവറിലെ ജനസംഖ്യ 2050ടെ 991,000 ആയി വർധിക്കുമെന്ന് കണക്കുകൾപറയുന്നു. സറെയിലേത് ഇത് യഥാക്രമം 960,000 ആയി വർധിക്കുമെന്നും കണക്കുകൾ പറയുന്നു. ബർണാബി ആയിരിക്കും ബിസിയിലെ ഏറ്റവും കൂടുതൽ ജനസംഖ്യയുള്ള മൂന്നാം നഗരമെന്നും കണക്കുകൾ പറയുന്നു. 2050ടെ ഇവിടത്തെ ജനസംഖ്യ 388000 ആയി ഉയരുമെന്നാണ് പ്രവചനം.
