വൻകൂവർ: ബ്രിട്ടിഷ് കൊളംബിയയ്ക്ക് സമീപം മൂന്ന് ആഴ്ചയ്ക്കിടെ നാലാം തവണയും ഭൂചലനം അനുഭവപ്പെട്ടതായി റിപ്പോർട്ട്. ബ്രിട്ടിഷ് കൊളംബിയ തലസ്ഥാനമായ വിക്ടോറിയയിൽ നിന്ന് 59 കിലോമീറ്റർ സൗത്ത്ഈസ്റ്റ് മേഖലക്ക് സമീപമാണ് ഭൂചലനം ഉണ്ടായത്. ബുധനാഴ്ച്ച ഉച്ചകഴിഞ്ഞ് വാഷിംഗ്ടണിലെ പോർട്ട് ഏഞ്ചൽസ് നഗരത്തിലെ ഒളിമ്പിക് നാഷണൽ പാർക്ക് പ്രദേശത്ത് 3.9 തീവ്രത രേഖപ്പെടുത്തിയ ഭൂചലനം ഉണ്ടായതായി എർത്ത്ക്വേക്ക് കാനഡ റിപ്പോർട്ട് ചെയ്തു. നാശനഷ്ടങ്ങളൊന്നും റിപ്പോർട്ട് ചെയ്തിട്ടില്ലെന്നും വിക്ടോറിയയിലും നേരിയതോതിൽ ഭൂചലനം അനുഭവപെട്ടതായും ഏജൻസി വ്യക്തമാക്കി.
അതേസമയം മാർച്ച് 3 ന് സിഡ്‌നിക്ക് സമീപം 4.1 തീവ്രത രേഖപ്പെടുത്തിയ ഭൂചലനം ഉണ്ടായതിന് പിന്നാലെ ഫെബ്രുവരി 24 ന് പോർട്ട് ആലീസിന്
സമീപം 5.2 തീവ്രത രേഖപ്പെടുത്തിയ ഭൂചലനം റിപ്പോർട്ട് ചെയ്തിരുന്നു. പിന്നീട് ഫെബ്രുവരി 21ന് ബ്രിട്ടിഷ് കൊളംബിയ തീരദേശത്തും ലോവർ മെയിൻലാൻഡിലും ഉണ്ടായ ഭൂചലനത്തിന് പിന്നാലെ ബുധനാഴ്ച്ചയാണ് ബ്രിട്ടിഷ് കൊളംബിയയ്ക്ക് സമീപം 3.9 തീവ്രത രേഖപ്പെടുത്തിയ ഭൂചലനം റിപ്പോർട്ട് ചെയ്തത്. എന്നാൽ മേഖലയിൽ സുനാമി ഭീഷണിയില്ലെന്നും ഏജൻസി വ്യക്തമാക്കി.
