വാഷിങ്ടൻ: അജ്ഞാത സ്രോതസുകളിൽ നിന്ന് വാർത്ത നൽകുന്നവർക്കെതിരെ യുഎസ് പ്രസിഡന്റ് ഡോണൾഡ് ട്രംപ്. തനിക്കെതിരെ അജ്ഞാത സ്രോതസുകളിൽ നിന്നും വാർത്ത നൽകുന്ന വ്യക്തികൾക്കെതിരെയും സ്ഥാപനങ്ങൾക്കെതിരെയും കേസെടുക്കുമെന്ന് ഭീഷണിപ്പെടുത്തിയിരിക്കുകയാണ് ട്രംപ്.

താൻ അധികാരത്തിലെത്തിയതിനു ശേഷം വ്യാജ വാർത്തകളും പുസ്തകങ്ങളും കെട്ടുകഥകളും ഉണ്ടാകുന്നുണ്ട്. സത്യസന്ധതയില്ലാത്ത എഴുത്തുകാർക്കെതിരേയും പ്രസാധകർക്കെതിരേയും കേസെടുക്കും. അപകീർത്തികരമായി പ്രചരിപ്പിക്കുന്ന ഈ കഥകൾ കെട്ടിച്ചമച്ചതാണ്. അതിനെതിരെ പുതിയ നിയമങ്ങൾ സൃഷ്ടിക്കണം. അത് രാജ്യത്തിനുള്ള സേവനമായിരിക്കും’ എന്ന് ട്രംപ് സോഷ്യൽ മീഡിയയിൽ കുറിച്ചു. പത്രപ്രവർത്തകൻ മൈക്കൽ വുൾഫിന്റെ ഓൾ ഓർ നത്തിങ്: ഹൗ ട്രംപ് റീക്യാപ്‌ചേർഡ് അമേരിക്ക’ എന്ന പുസ്തകം പുറത്തിറങ്ങി വലിയ രീതിയിൽ ചർച്ചയായതിന് പിന്നാലെയാണ് ട്രംപിന്റെ പുതിയ നീക്കം.