ന്യൂഡൽഹി : ദേശീയ സുരക്ഷയുടെ ഭാഗമായി കൂടുതൽ ഇന്ത്യൻ അനധികൃത കുടിയേറ്റക്കാരെ നാടുകടത്തുമെന്ന് യുഎസ്. 487 ഇന്ത്യൻ അനധികൃത കുടിയേറ്റക്കാരെ നാടുകടത്തുമെന്ന് യുഎസ് അറിയിച്ചതായി ഇന്ത്യൻ വിദേശകാര്യ സെക്രട്ടറി വിക്രം മിർസി അറിയിച്ചു. തിരിച്ചയക്കുന്നവരോടു മോശം പെരുമാറ്റം പാടില്ലെന്നു യുഎസിനെ അറിയിക്കുമെന്നും അദ്ദേഹം പറയുന്നു.
നടപടിക്രമങ്ങൾ പാലിച്ചാണ് അനധികൃത കുടിയേറ്റക്കാരായ ഇന്ത്യക്കാരെ നാടുകടത്തുന്നതെന്ന് വിക്രം മിർസി വ്യക്തമാക്കി. ആദ്യഘട്ടത്തിൽ കുടിയേറ്റക്കാരുമായി എത്തിയ യുഎസ് സൈനിക വിമാനം രാജ്യത്ത് ഇറങ്ങാൻ അനുമതി നൽകിയത് ചട്ടപ്രകാരമാണെന്നും വിദേശകാര്യ സെക്രട്ടറി വ്യക്തമാക്കി.
