ബ്യൂനസ് ഐറിസ് : യുഎസിനു പിന്നാലെ ലോകാരോഗ്യ സംഘടനയിൽ പിന്മാറുമെന്ന് പ്രഖ്യാപിച്ച് അർജൻ്റീന. ഇതു സംബന്ധിച്ച നടപടികൾ തുടങ്ങാൻ അർജൻ്റീന പ്രസിഡൻ്റ് ഹവിയർ മിലൈ നിർദ്ദേശം നൽകി. കോവിഡ് പോലുള്ള പകർച്ചവ്യാധികൾ കൈകാര്യം ചെയ്യുന്നതിൽ ലോകാരോഗ്യ സംഘടന പിഴവുകൾ വരുത്തിയെന്ന് ആരോപിച്ചാണ് പിന്മാറ്റം.
അമേരിക്കൻ പ്രസിഡൻ്റ് ഡോണൾഡ് ട്രംപ് അധികാരമേറ്റശേഷം ആദ്യം പുറത്തിറക്കിയ ഉത്തരവ് ലോകാരോഗ്യ സംഘടനയിൽ നിന്നും പിന്മാറുന്നത് സംബന്ധിച്ചായിരുന്നു. ട്രംപിന്റെ നയങ്ങളെ ശക്തമായി പിന്തുണയ്ക്കുന്നയാളാണ് അർജൻ്റീന പ്രസിഡൻ്റ്.
