ഓട്ടവ : രാജ്യം ഒറ്റക്കെട്ടായി യുഎസ് പ്രസിഡൻ്റ് ഡോണാള്‍ഡ് ട്രംപ് കാനഡയ്ക്ക് മേല്‍ ഏർപ്പെടുത്തിയ താരിഫ് ഭീഷണിയെ നേരിടുമെന്ന് മാർക്ക് കാർണി. ശനിയാഴ്ച വൈറ്റ് ഹൗസ് കനേഡിയന്‍ ഇറക്കുമതിക്ക് 25% താരിഫ് ചുമത്തിയതിനൊപ്പം, മെക്‌സിക്കോയ്ക്ക് 25 ശതമാനവും ചൈനയ്ക്ക് 10 ശതമാനവും താരിഫ് പ്രഖ്യാപിച്ചു. ഈ താരിഫ് പ്രഖ്യാപനത്തോടെ പ്രതികരിക്കുകയായിരുന്നു ലിബറൽ പാർട്ടി നേതൃത്വത്തിലേക്ക് മത്സരിക്കുന്ന മുൻ ബാങ്ക് ഓഫ് കാനഡ ഗവർണർ മാർക്ക് കാർണി.
‘തന്‍റെ ഭീഷണിക്ക് കാനഡ വഴങ്ങുമെന്നാണ് ട്രംപ് കാനഡ കരുതുന്നത്’, എന്നാൽ, ഇക്കാര്യത്തില്‍ കാനഡ ഒറ്റക്കെട്ടാണെന്നും തിരിച്ചടിക്കുമെന്നും കാര്‍ണി കൂട്ടിച്ചേര്‍ത്തു. താരിഫുകള്‍ ലോകമെമ്പാടുമുള്ള യുഎസിന്റെ പ്രശസ്തിക്ക് കോട്ടം വരുത്തുമെന്ന് മുന്‍ ബാങ്ക് ഓഫ് ഇംഗ്ലണ്ട് ഗവര്‍ണര്‍ കൂടിയായ കാര്‍ണി പറഞ്ഞു.
