ഡാലസ് : ഡാലസ് ക്രിസ്തുരാജന് ക്നാനായ കത്തോലിക്ക ഇടവക വിമൻസ് മിനിസ്ട്രിയുടെ നേതൃത്വത്തില് നിരന്തരമായ പരിശ്രമത്തിന് ശേഷം ആദ്യമായി ഒരു വനിതചെണ്ടമേളം ടീം അരങ്ങേറ്റം കുറിക്കുന്നു. ക്രിസ്തുരാജന്റെ തിരുന്നാളിനോട് അനുബന്ധിച്ച് ഞായറാഴ്ച രാത്രി എട്ടിന് നടക്കുന്ന അരങ്ങേറ്റത്തിൽ ഇരുപതോളം സ്ത്രീകൾ അണിചേരും.
അമ്പാട്ട് ജിനുമോന് ആശാനായി സ്ത്രീകൾക്ക് പരിശീലനം നല്കുന്നു. വിമൻസ് മിനിസ്ട്രിയുടെ നേതൃത്വത്തില് ഏറെക്കാലത്തെ പരിശിലനത്തിന് ശേഷം ക്രിസ്തുരാജന്റെ രാജത്വത്തിരുന്നാളില് അരങ്ങേറ്റം കുറിക്കാന് കഴിയുന്നതിന്റെ സന്തോഷത്തിലാണ് ഇവർ. അരങ്ങേറ്റത്തിനൊരുങ്ങുന്ന ടീമിന് വിമൻസ് മിനിസ്ട്രി പ്രസിഡൻ്റ് സില്വി നടക്കുഴയ്ക്കല്, വികാരി ഫാ.ബിന്സ് ചേത്തലില് എന്നിവര് അഭിനന്ദിച്ചു.








