കാനഡയിലെ സാമൂഹിക സുരക്ഷാ ശൃംഖലയുടെ കേന്ദ്രമായ സർവീസ് കാനഡ, പ്രതിമാസ പെൻഷൻ പേയ്മെന്റുകൾ, ഡിസെബിലിറ്റി ഇൻകം സപ്പോർട്ട്, എംപ്ലോയ്മെന്റ് ഇൻഷുറൻസ് നിക്ഷേപങ്ങൾ എന്നിവയിലൂടെ എല്ലാ പ്രവിശ്യകളിലെയും പ്രദേശങ്ങളിലെയും താമസക്കാർക്ക് കോടിക്കണക്കിന് ഡോളറാണ് നൽകുന്നത്. കാനഡയിൽ പുതിയതായി എത്തുന്നവർക്ക് ഈ പ്രോഗ്രാമുകളെക്കുറിച്ച് നേരത്തെ മനസ്സിലാക്കുന്നത് ദീർഘകാല സാമ്പത്തിക സ്ഥിരതയ്ക്ക് ഏറെ സഹായിക്കും.
സെപ്റ്റംബർ 2026-ൽ കാനഡ ഡിസെബിലിറ്റി ബെനിഫിറ്റ് (CDB), കാനഡ പെൻഷൻ പ്ലാൻ (CPP), ഓൾഡ് ഏജ് സെക്യൂരിറ്റി (OAS), ഗ്യാരണ്ടീഡ് ഇൻകം സപ്ലിമെന്റ് (GIS), അലവൻസ്, എംപ്ലോയ്മെന്റ് ഇൻഷുറൻസ് (EI) ഉൾപ്പെടെയുള്ള പ്രധാന സർവീസ് കാനഡ ബെനിഫിറ്റ് പ്രോഗ്രാമുകൾ വഴിയുള്ള പുതിയ തുകകൾ ലഭ്യമാകുന്നു. ഈ പ്രോഗ്രാമുകളിൽ പലതും പണപ്പെരുപ്പത്തിനനുസരിച്ചുള്ള പുതുക്കിയ തുകകളാണ് നൽകുന്നത്.
കാനഡ ഡിസെബിലിറ്റി ബെനിഫിറ്റ് (CDB): 18നും 64നും ഇടയിൽ പ്രായമുള്ള, കാനഡ റെവന്യൂ ഏജൻസിയുടെ (CRA) സാധുവായ ഡിസെബിലിറ്റി ടാക്സ് ക്രെഡിറ്റ് (DTC) സർട്ടിഫിക്കറ്റുള്ള ജോലിക്കാർക്കുള്ള പ്രതിമാസ വരുമാന സഹായമാണിത്. പരമാവധി പ്രതിമാസ തുക $204.20 ആണ്. സെപ്റ്റംബർ 17-നാണ് ഈ മാസത്തെ ആദ്യ സി.ഡി.ബി തുക ലഭിക്കുന്നത്.
കാനഡ പെൻഷൻ പ്ലാൻ (CPP): 18 വയസ്സിന് മുകളിലുള്ളവരും നിശ്ചിത തുകയ്ക്ക് മുകളിൽ സമ്പാദിക്കുന്നവരുമായ തൊഴിലാളികൾക്കായി നൽകുന്ന വിരമിക്കൽ പെൻഷൻ, ഡിസെബിലിറ്റി ബെനിഫിറ്റുകൾ, സർവൈവർ പെൻഷനുകൾ എന്നിവ ഉൾപ്പെടുന്ന പദ്ധതിയാണിത്. 2026-ൽ 65 വയസ്സിൽ ആരംഭിക്കുന്ന ഒരാൾക്കുള്ള പരമാവധി സി.പി.പി റിട്ടയർമെന്റ് പെൻഷൻ പ്രതിമാസം $1,507.65 ആണ്. സെപ്റ്റംബർ 25-നാണ് സി.പി.പി പേയ്മെന്റ് തീയതി.
ഓൾഡ് ഏജ് സെക്യൂരിറ്റി (OAS): 65 വയസോ അതിൽ കൂടുതലോ പ്രായമുള്ള, നിശ്ചിത താമസവ്യവസ്ഥകൾ പാലിക്കുന്ന കനേഡിയൻ പൗരന്മാർക്ക് ജോലി പരിചയത്തോ സംഭാവനകളോ ഇല്ലാതെ ലഭിക്കുന്ന പെൻഷനാണിത്. 65-74 പ്രായമുള്ളവർക്ക് ജൂലൈ-സെപ്റ്റംബർ കാലയളവിൽ പരമാവധി തുക $751.97 ഉം 75 വയസ്സിനു മുകളിലുള്ളവർക്ക് $827.17 ഉം ആണ്. സി.പി.പിയ്ക്കൊപ്പം സെപ്റ്റംബർ 25-നാണ് ഒ.എ.എസ് തുകയും ലഭിക്കുന്നത്.
ഗ്യാരണ്ടീഡ് ഇൻകം സപ്ലിമെന്റ് (GIS): കുറഞ്ഞ വരുമാനമുള്ള ഒ.എ.എസ് (OAS) സ്വീകർത്താക്കൾക്ക് അടിസ്ഥാന ജീവിതനിലവാരം ഉറപ്പാക്കുന്നതിനായി നൽകുന്ന അധിക നികുതി രഹിത പ്രതിമാസ വരുമാനമാണിത്. ഒറ്റയ്ക്ക് കഴിയുന്ന ഒരാൾക്ക് പരമാവധി പ്രതിമാസ ജി.ഐ.എസ് തുക $1,123.17 ആണ്. ഒ.എ.എസ് പേയ്മെന്റ് തീയതികളിൽ തന്നെയാണ് ഇതും ലഭിക്കുന്നത്.
അലവൻസും സർവൈവർ അലവൻസും: ഒ.എ.എസും ജി.ഐ.എസും ലഭിക്കുന്നവരുടെ 60നും 64നും ഇടയിൽ പ്രായമുള്ള പങ്കാളികൾക്കായി നൽകുന്ന പ്രതിമാസ ആനുകൂല്യമാണിത്. പങ്കാളി മരണപ്പെട്ട 60-64 പ്രായമുള്ളവർക്കായി ‘അലവൻസ് ഫോർ ദി സർവൈവർ’ എന്ന പദ്ധതിയും നിലവിലുണ്ട്.
എംപ്ലോയ്മെന്റ് ഇൻഷുറൻസ് (EI): തൊഴിൽ നഷ്ടപ്പെടുകയോ അല്ലെങ്കിൽ അസുഖം, ഗർഭധാരണം തുടങ്ങിയ വിവിധ വ്യക്തിഗത ആവശ്യങ്ങൾക്കായി ജോലിയിൽ നിന്ന് വിട്ടുനിൽക്കേണ്ടി വരികയോ ചെയ്യുന്ന കാനഡക്കാർക്ക് താൽക്കാലിക വരുമാന പിന്തുണ നൽകുന്ന പദ്ധതിയാണിത്. ശരാശരി ഇൻഷൂർ ചെയ്ത പ്രതിവാര വരുഡത്തിന്റെ 55% ആണ് ആനുകൂല്യ നിരക്ക്; പരമാവധി പ്രതിവാര ആനുകൂല്യം $729 ആണ്.
സെപ്റ്റംബർ 2026-ൽ പുതുക്കിയ ആനുകൂല്യ തുകകൾ ലഭ്യമാകുന്നതിനാൽ, നിങ്ങളുടെ ‘മൈ സർവീസ് കാനഡ അക്കൗണ്ട്’ (My Service Canada Account) വഴി പേയ്മെന്റ് വിവരങ്ങളും ഡയറക്ട് ഡെപ്പോസിറ്റ് വിവരങ്ങളും കൃത്യമാണെന്ന് ഉറപ്പുവരുത്തുക.
