സമൃദ്ധിയുടെയും ഐശ്വര്യത്തിന്റെയും പ്രതീകമായി പുതുപുത്തന് ഹ്യുസ്റ്റോണം വരവായി. ഹ്യൂസ്റ്റണ് ശ്രീ ഗുരുവായൂരപ്പന് ക്ഷേത്രത്തിന്റെ ഓണാഘോഷം “ഹ്യുസ്റ്റോണം പൊന്നോണം” ഓഗസ്റ്റ് 23 ഞായറാഴ്ച രാവിലെ 10 മുതൽ ഹ്യൂസ്റ്റണ് റോസന്ബെര്ഗ് എപിക് സെന്ററില് നടക്കും. ഓണസദ്യയുടെ മുഖ്യ ആകര്ഷണമായി പ്രശസ്ത പാചക വിദഗ്ധന് തൃശൂര് അംബി സ്വാമി സദ്യയൊരുക്കുമെന്ന് പ്രസിഡൻ്റ് ഡോ. രാംദാസ് അറിയിച്ചു.
ഹ്യുസ്റ്റോണത്തിന് മാറ്റുകൂട്ടാൻ കേരളത്തിലെ എല്ലാ തനതു കലാരൂപങ്ങളും കലാപരിപാടികളും അവതരിപ്പിക്കും. തെയ്യം, തിരുവാതിര, പുലിക്കളി, ചെണ്ടമേളം, കുച്ചിപ്പുടി, ഒപ്പന എന്നിവ ഉള്പ്പെടെയുള്ള വൈവിധ്യമാര്ന്ന കലാപരിപാടികള് ഓണാഘോഷത്തോടനുബന്ധിച്ച് ഒരുക്കിയിട്ടുണ്ട്.
