റിയർ-വ്യൂ ഇമേജ് ഡിസ്പ്ലേയിലെ പ്രശ്നങ്ങൾ കാരണം കാനഡയിലും യുഎസിലുമായി ലക്ഷക്കണക്കിന് 2018-20 മോഡൽ ഒഡീസി മിനിവാനുകൾ തിരിച്ചുവിളിച്ചതായി ഹോണ്ട അറിയിച്ചു. കാനഡയിൽ 32,289, യുഎസിൽ 293,299 വാഹനങ്ങളെയാണ് ഈ തകരാർ ബാധിച്ചിരിക്കുന്നത്. വെള്ളം റിയർ-വ്യൂ ക്യാമറ അസംബ്ലിയിൽ പ്രവേശിക്കുകയും പ്രിന്റഡ് സർക്യൂട്ട് ബോർഡ് (പിസിബി) തുരുമ്പെടുക്കാൻ കാരണമാവുകയും ചെയ്യും. ഇതോടെ വാഹനം പിന്നിലേക്ക് എടുക്കുമ്പോൾ റിയർ-വ്യൂ ക്യാമറ ഇമേജ് ലഭിക്കാതെ വരുകയും അപകടത്തിന് കാരണമാവുകയും ചെയ്യുമെന്ന് കമ്പനി പറയുന്നു. മൗണ്ടിംഗ് സ്ക്രൂവിന്റെ ഉപയോഗവും റിയർ-വ്യൂ ക്യാമറ ഹൗസിംഗ് ബോസ് ഹോളും ഉൾപ്പെടുന്ന അസംബ്ലി നിർമ്മാണ തകരാറുമാണ് ഈ പ്രശ്നത്തിന് കാരണം.
നിർമ്മാണം അവസാനിപ്പിച്ച ഈ മോഡൽ വാഹനങ്ങളുടെ ഉടമകളെ ഓഗസ്റ്റ് മുതൽ മെയിൽ വഴി ബന്ധപ്പെടുകയും അവരുടെ വാഹനം ഒരു അംഗീകൃത ഹോണ്ട ഡീലറുടെ അടുത്ത് എത്തിക്കാൻ നിർദ്ദേശിക്കുമെന്നും ഹോണ്ട അറിയിച്ചു.
