യുഎസിലെ മെറിലാന്‍ഡില്‍ നിയന്ത്രണം വിട്ട ബസ് കെട്ടിടത്തിലേക്ക് ഇടിച്ചുകയറി 28 പേര്‍ക്ക് പരുക്കേറ്റു. ബാള്‍ട്ടിമോര്‍ നഗരത്തിലെ പെക്‌സ്വില്ലിലാണ് അപകടമുണ്ടായത്. ബസ് ഇടിച്ചതിനു പിന്നാലെ വന്ന മറ്റു വാഹനങ്ങളും കൂട്ടിയിടിച്ചു. ആകെ എട്ട് വാഹനങ്ങളാണ് അപകടത്തില്‍പ്പെട്ടത്. ഇവയില്‍ ഒരു വാഹനം മറിഞ്ഞതായും അധികൃതര്‍ അറിയിച്ചു. അപകടത്തിൽ ആകെ 28 പേര്‍ക്ക് പരുക്കേറ്റു. ഇവരില്‍ ഒരാളുടെ നില ഗുരുതരമാണ്.
ഒരാൾ ബസിലും മറ്റൊരാൾ മറ്റൊരു വാഹനത്തിലുമായി രണ്ട് പേർ കുടുങ്ങി കിടക്കുന്നതായി ബാൾട്ടിമോർ കൗണ്ടി ഫയർ ഡിപ്പാർട്ട്‌മെൻ്റ് അറിയിച്ചു. സ്ഥിതിഗതികൾ നിരീക്ഷിച്ചുവരികയാണെന്ന് മേരിലാൻഡ് ഗവർണർ വെസ് മൂർ പറഞ്ഞു.
