കാനഡ സ്പിരിച്വൽ ഗ്രൂപ്പിന്‍റെ ആഭിമുഖ്യത്തിൽ “IMPACT 2K26” വാർഷിക സമ്മർ ക്യാമ്പ് ജൂലൈ 24, 25, 26 തീയതികളിൽ നടക്കും. ഒൻ്റാരിയോ തേംസ്ഫോർഡിലെ മേപ്പിൾ ഗ്രോവ് ക്രിസ്ത്യൻ റിട്രീറ്റ് സെന്‍ററിൽ നടക്കുന്ന ക്യാമ്പിനുള്ള ഒരുക്കങ്ങൾ പൂർത്തിയായതായി സംഘാടകർ അറിയിച്ചു. മൂന്ന് ദിവസങ്ങളിലായി നടക്കുന്ന ഈ ആത്മീയ സംഗമത്തിൽ പാസ്റ്റർ ജോഷി ജോസഫ്, പാസ്റ്റർ പ്രത്യാശ് തോമസ്, പാസ്റ്റർ ഇമ്മാനുവേൽ കെ. ബി, സിസ്റ്റർ ആഷ്‌ലി പ്രത്യാശ് എന്നിവർ വിവിധ ആത്മീയ ശുശ്രൂഷകൾക്ക് നേതൃത്വം നൽകും.
ക്യാമ്പിന്‍റെ ഭാഗമായി Mission Challenge, Tarry Meeting, Group Activities, Games & Fun എന്നിവയും ഉൾപ്പെടെ എല്ലാ പ്രായക്കാർക്കും പ്രയോജനപ്പെടുന്ന വിവിധ പരിപാടികൾ ഒരുക്കിയിട്ടുണ്ടെന്ന് സംഘാടകർ അറിയിച്ചു. ആത്മീയ നവീകരണത്തിനും കൂട്ടായ ആരാധനയ്ക്കും സഹവാസത്തിനും അവസരമൊരുക്കുന്ന ഈ വാർഷിക സമ്മർ ക്യാമ്പിൽ കാനഡയുടെ വിവിധ ഭാഗങ്ങളിൽ നിന്നുള്ള വിശ്വാസികൾ പങ്കെടുക്കുമെന്ന് സംഘാടകർ പ്രതീക്ഷിക്കുന്നു.
