ഫ്രാൻസിൽ സ്കൈഡൈവിങ് സംഘം സഞ്ചരിച്ചിരുന്ന വിമാനം തകർന്നുവീണ് 11 പേർ കൊല്ലപ്പെട്ടു. നാൻസിക്ക് സമീപം ടോംബ്ലെയ്നിലെ സാൽവഡോർ അലൻഡെ സ്ട്രീറ്റിനു സമീപം പ്രാദേശിക സമയം ഞായറാഴ്ച രാവിലെ 11 മണിയോടെയാണ് അപകടം. ചെറുവിമാനമാണ് തകർന്നു വീണത്. മരിച്ചവരിൽ സ്കൈഡൈവിങ് പരിശീലിക്കുന്ന അഞ്ച് പേരും അഞ്ച് പരിശീലകരും പൈലറ്റും ഉൾപ്പെടുന്നതായി പ്രാദേശിക മാധ്യമങ്ങൾ റിപ്പോർട്ട് ചെയ്തു.
അപകടത്തെത്തുടർന്ന് പ്രദേശത്ത് രക്ഷാപ്രവർത്തനം തുടരുന്നു. സാൽവഡോർ അലൻഡെ സ്ട്രീറ്റിലേക്കുള്ള പ്രവേശനം പോലീസ് തടഞ്ഞിട്ടുണ്ട്. അപകടത്തിന്റെ കാരണം വ്യക്തമല്ല. സംഭവത്തിൽ അന്വേഷണം ആരംഭിച്ചു.
