ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹു കാനഡയിലെത്തിയാല്‍ അറസ്റ്റ് ചെയ്യുമെന്ന് കാനഡ പ്രധാനമന്ത്രി മാര്‍ക് കാര്‍ണി. മുന്‍ഗാമി ജസ്റ്റിന്‍ ട്രൂഡോയുടെ പാത ഇക്കാര്യത്തില്‍ തുടരുമോ എന്ന ചോദ്യത്തിനാണ് തന്റെ നിലപാട് അദ്ദേഹം ആവര്‍ത്തിച്ചത്.
ഗാസയില്‍ ഹമാസുമായുള്ള യുദ്ധത്തില്‍ നെതന്യാഹുവിനും മുന്‍ പ്രതിരോധ മന്ത്രി യോവ് ഗാലന്റിനുമെതിരെ അന്താരാഷ്ട്ര നീതി ന്യായ കോടതി (ഐ.സി.സി) പുറപ്പെടുവിച്ച അറസ്റ്റ് വാറണ്ടിനെതിരെ അപ്പീല്‍ നല്‍കാനുള്ള ഇസ്രായേലിന്റെ ശ്രമം അന്താരാഷ്ട്ര ക്രിമിനല്‍ കോടതി കഴിഞ്ഞ ആഴ്ച തള്ളിയിരുന്നു. ഗാസയിലെ യുദ്ധക്കുറ്റത്തിന് നെതന്യാഹുവും കൂട്ടരും ഉത്തരവാദികളാണെന്ന് വിശ്വസിക്കാന്‍ തക്ക കാരണമുണ്ടെന്ന് അന്താരാഷ്ട്ര ക്രിമിനല്‍ കോടതി കഴിഞ്ഞ വര്‍ഷം ചൂണ്ടിക്കാട്ടിയിരുന്നു.
