നായകൾക്കുള്ള ഭക്ഷണത്തിലും ലഘുഭക്ഷണങ്ങളിലും സാൽമൊണല്ല ബാക്ടീരിയ സാന്നിധ്യം കണ്ടെത്തിയതിനെ തുടർന്ന് മുന്നറിയിപ്പുമായി ഫെഡറൽ പബ്ലിക് ഹെൽത്ത് ഏജൻസി (PHAC). നായയുടെ ഭക്ഷണസാധനങ്ങൾ കൈകാര്യം ചെയ്യുമ്പോൾ ശുചിത്വം പാലിക്കണമെന്ന് PHAC നിർദേശിച്ചു. നായകൾക്ക് രോഗലക്ഷണങ്ങൾ ഇല്ലെങ്കിൽ പോലും അവയിൽ നിന്ന് മനുഷ്യരിലേക്ക് സാൽമൊണല്ല പകരാം. അതിനാൽ, നായയുടെ ഭക്ഷണം, പാത്രങ്ങൾ, കളിക്കുന്ന സ്ഥലങ്ങൾ എന്നിവ കൈകാര്യം ചെയ്തതിന് ശേഷം കൈകൾ സോപ്പും വെള്ളവും ഉപയോഗിച്ച് വൃത്തിയാക്കണം.
പനി, വയറുവേദന, ഛർദ്ദി, വയറിളക്കം, തലവേദന എന്നിവയാണ് സാൽമൊണല്ല രോഗത്തിൻ്റെ പ്രധാന ലക്ഷണങ്ങൾ. പ്രായമായവർ, കുട്ടികൾ, ഗർഭിണികൾ, പ്രതിരോധശേഷി കുറഞ്ഞവർ എന്നിവർക്ക് രോഗം ഗുരുതരമാകാൻ സാധ്യതയുണ്ടെന്നും അധികൃതർ അറിയിച്ചു.
