മിസിസാഗയിൽ ഒരു വവ്വാലിന് പേവിഷബാധ സ്ഥിരീകരിച്ചതായി പീൽ പബ്ലിക് ഹെൽത്ത് അറിയിച്ചു. ഡെറി, മക്ലാഫ്‌ലിൻ ഏരിയയിലെ റോഡിൽ നിന്നാണ് വവ്വാലിനെ കണ്ടെത്തിയത്. ഈ വവ്വാലുമായി മനുഷ്യ സമ്പർക്കമുണ്ടായിട്ടുണ്ടോ എന്ന കാര്യത്തിൽ ഏജൻസി സൂചനകളൊന്നും നൽകിയിട്ടില്ല.
ഏതെങ്കിലും മൃഗങ്ങൾ കടിക്കുകയോ ശരീരത്തിൽ നഖമുരഞ്ഞ് പോറൽ ഏൽക്കുകയോ ചെയ്തിട്ടുണ്ടെങ്കിൽ എത്രയും വേഗം ഹെൽത്ത്‌കെയർ പ്രൊവൈഡറെ സമീപിക്കണമെന്ന് ഏജൻസി നിർദ്ദേശിച്ചു. പൊതുജനങ്ങൾ ജാഗ്രത പാലിക്കണമെന്നും മുന്നറിയിപ്പ് നൽകി. വൈദ്യ ചികിത്സയിലൂടെ പേവിഷ ബാധ തടയാൻ കഴിയും. എന്നാൽ മനുഷ്യരിൽ രോഗലക്ഷണങ്ങളോടുകൂടിയ റാബിസ് അണുബാധ ഗുരുതരമാകാനുള്ള സാധ്യത കൂടുതലാണെന്നും ഏജൻസി മുന്നറിയിപ്പ് നൽകി.
