ജി7 ഉച്ചകോടി നടക്കുന്ന ആൽബർട്ടയിലെ കനനാസ്കിസിൽ പാർക്കിങ് നിയന്ത്രണങ്ങൾ ഏർപ്പെടുത്തി ആർ‌സി‌എം‌പി. ജൂൺ 14 മുതൽ 18 വരെ ഹൈവേ 40-യിൽ നിയന്ത്രണം തുടരും. കനനാസ്കിസ് ലേക്ക് ട്രെയിൽ ജങ്ഷനിലെ ഹൈവേ 1 ജങ്ഷൻ മുതൽ നോർത്ത് വിന്റർ ക്ലോഷർ ഗേറ്റ് വരെയുള്ള ഹൈവേ 40- യിൽ പൊലീസ് പാർക്കിങ് നിരോധനം നടപ്പിലാക്കും. ഉച്ചകോടിയിൽ പങ്കെടുക്കുന്ന രാജ്യാന്തര നേതാക്കളുടെ സുരക്ഷ ഉറപ്പാക്കുന്നതിനായാണ് നിയന്ത്രണമെന്ന് ആർ‌സി‌എം‌പി ഇന്റഗ്രേറ്റഡ് സേഫ്റ്റി ആൻഡ് സെക്യൂരിറ്റി ഗ്രൂപ്പ് (ഐ‌എസ്‌എസ്‌ജി) അറിയിച്ചു.

നിരോധനം ലംഘിക്കുന്ന വാഹനങ്ങൾക്ക് പിഴ ചുമത്തില്ലെങ്കിലും വാഹനം പിടിച്ചെടുക്കുമെന്ന് ഐ‌എസ്‌എസ്‌ജി പറയുന്നു. ഐ‌എസ്‌എസ്‌ജിയും ആൽബർട്ട ട്രാൻസ്പോർട്ടേഷൻ ആൻഡ് ഇക്കണോമിക് കോറിഡോഴ്‌സും ചേർന്നാണ് നിയന്ത്രണം നടപ്പിലാക്കുന്നത്.