വിക്ടോറിയ: കാനഡയിൽ യുവാക്കളുടെ തൊഴിലില്ലായ്മാ നിരക്ക് ഏറ്റവും കൂടുതലുള്ള രണ്ടാമത്തെ നഗരമായി ബ്രിട്ടീഷ് കൊളംബിയ. ഈ മാസം സ്റ്റാറ്റിസ്റ്റിക്‌സ് കാനഡ പുറത്തുവിട്ട കണക്കുകൾ പ്രകാരം 15 നും 24 നും ഇടയിൽ പ്രായമുള്ളവരിൽ കാലാനുസൃതമായി ക്രമീകരിച്ച തൊഴിലില്ലായ്മാ നിരക്ക് മെയ് മാസത്തിൽ 16.6 ശതമാനമായിരുന്നു. 2024 മെയ് മാസം 10.5 ശതമാനമായിരുന്നു നിരക്ക്. ഈ പ്രായവിഭാഗത്തിൽ ആൽബെർട്ടയിൽ മാത്രമാണ് ഉയർന്ന തൊഴിലില്ലായ്മാ നിരക്ക് രേഖപ്പെടുത്തിയിരിക്കുന്നത്. ആൽബെർട്ടയിൽ 17.2 ശതമാനമാണ് തൊഴിലില്ലായ്മാ നിരക്ക്.
അതേസമയം, ദേശീയ തലത്തിൽ തൊഴിലില്ലായ്മാ നിരക്ക് 14.2 ശതമാനമാണ്. ബ്രിട്ടീഷ് കൊളംബിയയിൽ തൊഴിലില്ലായ്മാ നിരക്ക് വർധിക്കുന്നതിനാൽ ബിരുദ പഠനം കഴിയുന്ന യുവാക്കളായ വിദ്യാർത്ഥികളിൽ പലരും തൊഴിൽ അനിശ്ചിതത്വം നിലനിൽക്കുന്ന വിപണികളിലേക്കാണ് ഇറങ്ങുന്നത്. ജോലികളിൽ പ്രവേശിക്കാനും മികച്ച കരിയർ പടുത്തുയർത്താനും യുവാക്കൾ കഷ്ടപ്പെടുന്നു.
2025 മെയ് മാസത്തെ ബീസിയിലെ യുവാക്കളുടെ തൊഴിലില്ലായ്മാ നിരക്ക് 2020 ജൂണിലെ നിരക്കിനേക്കാൾ കുറവാണ്. അന്ന് കോവിഡ്-19 കാരണം തൊഴിലില്ലായ്മാ നിരക്ക് 28.6 ശതമാനമായിരുന്നുവെന്നാണ് കണക്കുകൾ.
