ഒന്റാരിയോ: ഒന്റാരിയോയിലെ ക്ലാരിംഗ്ടൺ മുനിസിപ്പാലിറ്റിയിലെ കമ്മ്യൂണിറ്റിയായ ഒറോണോയിലെ മുസ്ലീം പള്ളിക്ക് നേരെ അജ്ഞാതരുടെ ആക്രമണം. ഏഴ് വാഹനങ്ങൾ നശിപ്പിച്ചതായി ദർഹം പോലീസ് പറഞ്ഞു. വിദ്വേഷ പ്രേരിത കുറ്റകൃത്യമാണിതെന്നും പള്ളി ലക്ഷ്യം വെച്ചുള്ള ആക്രമണമാണെന്നും പോലീസ് പറഞ്ഞു. അന്വേഷണം നടത്തി വരികയാണെന്ന് ഉദ്യോഗസ്ഥർ അറിയിച്ചു.
ശനിയാഴ്ച രാത്രി ഏകദേശം 10.30 ഓടെ 111 ചർച്ച് സ്ട്രീറ്റ് നോർത്തിലെ പള്ളിയിലാണ് ആക്രമണം നടന്നതെന്ന് വിവരം ലഭിച്ചതായി ദർഹം റീജിയണൽ പോലീസ് സർവീസിലെ(DRPS) ഉദ്യോഗസ്ഥർ പറഞ്ഞു. പള്ളിക്ക് മുമ്പിൽ പാർക്ക് ചെയ്തിരുന്ന ഏഴ് വാഹനങ്ങൾ തകർത്തതായും പള്ളിയുടെ മുൻവാതിൽ നശിപ്പിച്ചതായും പോലീസ് പറഞ്ഞു.
സംഭവത്തെക്കുറിച്ച് എന്തെങ്കിലും വിവരം ലഭിക്കുന്നവർ അന്വേഷണ സംഘവുമായി ബന്ധപ്പെടണമെന്ന് പോലീസ് വാർത്താക്കുറിപ്പിൽ അറിയിച്ചു. പ്രദേശത്തെ ഡാഷ്‌ക്യാം, സിസിടിവി ദൃശ്യങ്ങൾ പോലീസിന് കൈമാറണമെന്ന് അഭ്യർത്ഥിച്ചു.
