വന്കൂവര് പൊലീസ് ഡിപ്പാര്ട്ട്മെന്റിന്റെ (VPD) പുതിയ ചീഫ് കോണ്സ്റ്റബിളായി ഇന്ത്യന് വംശജനായ സ്റ്റീവ് റായിയെ നിയമിച്ചു. പത്ത് വര്ഷത്തിന് ശേഷം മുന് ചീഫ് ആദം പാമര് സ്ഥാനമൊഴിഞ്ഞതിന് ശേഷമാണ് വകുപ്പിന്റെ 32-ാമത് ചീഫ് കോണ്സ്റ്റബിളായി റായിയെ നിയമിക്കുന്നത്.
സമഗ്രമായ തിരഞ്ഞെടുപ്പ് പ്രക്രിയയ്ക്ക് ശേഷമാണ് റായിയെ പുതിയ പൊലീസ് മേധാവിയായി തിരഞ്ഞെടുത്തതെന്ന് വന്കൂവര് മേയര് കെന് സിം പറഞ്ഞു. വിപിഡിയില് മൂന്ന് പതിറ്റാണ്ടിലേറെ പരിചയസമ്പത്തുണ്ടെന്നും 2010 ലെ വന്കൂവര് വിന്റര് ഒളിമ്പിക്സ്, 2011 ലെ സ്റ്റാന്ലി കപ്പ് കലാപം എന്നിവയുള്പ്പെടെയുള്ള പ്രധാന സംഭവങ്ങള്ക്ക് റായി നേതൃത്വം നല്കിയതായും കെന് സിം പറഞ്ഞു
