മധ്യ ഫിലിപ്പീന്സില് ശക്തമായ ഭൂചലനം. റിക്ടര് സ്കെയിലില് 6.9 തീവ്രത രേഖപ്പെടുത്തിയ ഭൂചലനത്തില് 60 പേര് കൊല്ലപ്പെടുകയും നിരവധി പേര്ക്ക് പരുക്കേല്ക്കുകയും ചെയ്തു. ബോഗോയിലാണ് ഭൂചലനം കൂടുതല് ബാധിച്ചത്. മണ്ണിടിച്ചിലിലും പാറക്കെട്ടുകള് തകര്ന്നു നിരവധി വീടുകള് അടിയിലായി. മരണസംഖ്യ ഇനിയും ഉയര്ന്നേക്കാമെന്നാണ് റിപ്പോര്ട്ട്. നിരവധി പ്രദേശങ്ങളില് വൈദ്യുതിയും നിലച്ചു.
ബൊഹോള് പ്രവിശ്യയിലെ കാലാപെയില് നിന്ന് ഏകദേശം 11 കിലോമീറ്റര് കിഴക്ക്-തെക്കുകിഴക്കായിരുന്നു ഭൂചലനത്തിന്റെ പ്രഭവകേന്ദ്രം. അതേസമയം സുനാമി ഭീഷണിയില്ലെന്ന് പസഫിക് സുനാമി മുന്നറിയിപ്പ് കേന്ദ്രം അറിയിച്ചു. ലെയ്റ്റ്, സെബു, ബിലിരാന് എന്നീ മധ്യ ദ്വീപുകളിലെ നിവാസികളോട് കടല്ത്തീരത്ത് നിന്ന് മാറിനില്ക്കാനും തീരത്തേക്ക് പോകരുതെന്നും മുന്നറിയിപ്പ് നല്കി.
